حنا ديرنا معزتها ذياب العيال = والا جبال الحجر يحرم نماريبها!!
ياكبتن الله يديمك كلنا راس مال = لوكان بعض العرب معرف هناديبها!!

العام تبكي طميَّه ياكريم السبال=واليومه اتقلَّي الضلعان ماليبها!!
ياعيد لو ما المصالح والطمع فالريال=ماجاتك البدو تفتل رؤس أشانيبها!!

كلٍ معرّض ياكبتن للفنا والزوال = مار الرجال الفهيمه مانكشف غيبها!!
اثرك رفقتك رفقة مال والا محال = رفقتك ياكبتن عتيبه هذا عيبها!!

ماباقيٍ غير وجه الله عزيز الجلال=ياعيد الأيام دايرةً دواليبها!!
اللّي ماينفع رفيقه ياعريب الخوال=مالي برفقته ..وأن جت ويش اسويبها؟!

تدور الايام بين الشمس والا الظلال = والطيب اللي تعلّم من تجاريبها!!
خابرك ماتارد الا بالحبال الطوال = وانا معك لين تصفالك مشاريبها!!