انتظر ياصاحبي لين الزمان يبين غيبه = السحاب قنوف والبراق في منشاه لاحي
حملت العذرى وجات بتوم فظروفٍ غريبة = الله انه لايجير اللي معه عقد النكاحي

أطلب الله ينقذك ... مرّيت بظروفٍ صعيبه= الله يسهّل طريق الباص ( يالكبتن مناحي )
نعرف فروخ الحرار اللي مجانيها عريبه=يشتويها جاهلٍ ما يعرف طيور الفلاحي

كان ماجت بالرضا ياصاحبي جت بالغصيبه = لين يرجع فاعل المحظور لحدود المباحي !!
انت في عرفك تقول المخطيه مثل المصيبه = ماعرفت الفرق فكفوف الاكارم والشحاحي !!

العذاب اللي حصلّك صار للشّهره ضريبه=الله يعينك على ضرب الجنابي و الرماحي
الله اللي عزّ مكّه و الله اللي عزّ طيبه = و كل كلمه ما لها معنى تطير مع الرياحي