الطيااار=
ياسعود الله يجيرك مـن صواديـف الزمانـي=هاك علم وجيب علـم وخلهـا بيضـا نقيـه
شاب راسك وانت توك ضرس عقلك دوب باني=وان نشدتك ليه قلت من الحـروب العالميـه
سعود العصيمي =
الله ايجيرك من صدوف الزمان القلباني=هات علم وهاك علم وكل علم له لديه..
كم وكم من راس شيبه الزمن يامودماني=لاتغارب لو يشيب الشاب وعزومه قوية.
الطيااار=
العلوم ابها هلايم والعلـوم ابهـا سمانـي=وانت شاعر عرف وتعرف الرباع من الثنيه
مير في تالي زمانك صار لك هنـداب ثانـي=غبت في عيد رمضان وجيت في عيد الضحيه
سعود العصيمي =
والرجال الهامواقـف فالطلـوع وفالطمانـي=والقلم راعيه مبصر والجهل شـر البريـة.
الزمان اللي يساوي الذيب الاشهب بالحصاني=اشتكوا منه الرجال اهل الشجاعـه والحميـه
الطيااار=
كلمة الرجال تمضي كنها حد السنانـي=البشر ماهم سو والدين غير الجاهليـه
وانت لو انشد عنها قلت هذا ماعنانـي=ماعليك من الرجال ولاعليك من القضيه
سعود العصيمي =
انت علمني من ايات البشـر يامودمانـي=ثم سولـف بالعلـوم اللي تبـا والنـار حيـه
ماغادى من راس مالي لابعير ولا حصاني=وانت دور ماغدى لك من كثير ومن بليه.
الطيااار=
لاتنشد طرقيٍ مرك وله مقصـد وشانـي=يالعصيمي جاك ضيف وقوم صب الشاذليه
انت ابن عمي لكنك منت واحد من خواني=نوب بلسم للجروح ونوب علـه داخليـه
سعود العصيمي =
ماخبرنا طرقـيٍ مالـه سنـان ولا عنانـي=كان ضيف ابشر بكيف وكان غير ابشر بكيه.
فـي مواقفنـا نكمـل ياذريبيـن اليمـانـي=والرفـيـق اللي يقـدرنـا مانـجـزاه بـرديـة
الطيااار=
خل عنك الكي لاتقعد على الكي تحداني=ثم يصحون النيام وتشتعل نارٍ لضيـه
كان ماتفهم كلامـي روح ترجمانـي=واحد يقدر يترجم بالحروف الابجديـه
سعود العصيمي =
والله اني ماحسبت حساب هطـلان الاذانـي=ماريح لاتقرب يـدك مـن كـور المطيـه.
عن طريقي والله اني ماخبرت اللي حدانـي=نجزي الحسنه بحسنه واجزي السيئية بسئيه
الطيااار=
انت لامنك فتحت الفـم ياطـول اللسانـي=مشكلتك انك ماتمرح طول ليلك لك وحيّـه
مير لاشفت الضيوف اصبر وخلك مرحباني=وانبسط وارتاح وامرح بين شمس وبين فيّه
سعود العصيمي =
كلمة السانك تخصك يافلان ابن الفـلاني=واشقر الجنحان ماحلي على طيرة عليه.
ان لمستك ماتداني وان تركتك ماتدانـي=والضيوف اللي بلا وزعه تسرح فالرعيه.
الطيااار=
ماتروح بعيد عنك اسعيد يشبه لسعداني=ولا انا ماني بمنهم ذمتي منهم بريـه
الحرار الشقر تسمو ماتحول للطمانـي=وانت مابيدك حل ومن كلامك ماعليـه
سعود العصيمي =
انت يالطيار مدري من زمانك وش تعاني=علتك علـه قويـه فالطحـال وفالكليّـه
بارك الله فيك ماقصرت يالحر العمانـي=الدعاوي مزح وانته هقوتي مني وفيـه.
