احمد الله يوم يذكرني من العقّال كاين = يوم غيري لو غيابه عام محدن قال وينه!!
في حراج العاصمه شافوك تطردلك زباين = يوم عيد العازمي مادار فالموضوع عينه!!

يابن عاصي هد روعك وش بلا خاطرك شاين=الدعاوي في يسار الخط وأنته في يمينه
عيد باسط والعرب صفوا سوى في شكل لاين=أم أسد عنده !! وصوته فالعشيه سامعينه

دربنا درب اليمين ولاندورها مداين = اشقر المرقاب تلقاله على المرقاب عينه!!
فيه زيبق يالعصيمي ماظهر وسط الخزاين = علم اللي مادرا يملا من الزيبق يدينه!!

لد عينك في طويل الرجم يارجال عاين=والله إني من حرارٍ ماتذوق ألا السمينه
دام جبت إنا الحقيقه يابن عاصي منت خاين=آثر مطلوبك من الزيبق ونياتك لعينه

لاتميدح وانته اسمك في كشوفات الرهاين = كيف نشهدلك ولاعندك على الجزله ضمينه!!
عقب اخذت القسم الاوفر بيّنت فيك البواين = درس مجّاني وجا ناصر على وقته وحينه!!