| معجب العتيبي |
15-Apr-2009 11:10 PM |
المتحد
سلام الله وأنا شاعر والي وزعه مع الشعار=الي وزعه مع أهل العرف أبا أخذها وأبا أعطيها
على قول المثل ياهل الوفى مافالرجال أخيار= حدى الشعار يقلط مانويت أزهم بساميها
ابن سرحان الثبيتي
هلا يامرحبا ترحيبة مثل المطر والنار = تراحيب تسد الزومها ماني موصيها
نبا نهرج معك يالشاعر اللي جيتنا محتار = بعد شفنا بيوتك عامره ولطيب كاسيها
المتحد
يدوم أبك البقا ياذخر ربعن تكرم الخطار= ثبيت أهل الوفا في حاضر الدنيا وماضيها
ماني محتار في رسم المعاني والشعر بيطار=تهيض بالمعاني يالثبيتي وأنت راعيها
ابن سرحان الثبيتي
تطب السوق وانته تجهله وتنادي التجار = ولا صارت يدينك خاليه وشبك تناديها
علاك اللوم يوم انك تسويلك حجا وستار = بعد قالو بيوت العز تعرف من مبانيها
المتحد
أنا أصرف من ذهب ياتاجراً تصرف من الدولار= تراني من قديم الوقت طابخها وشاويها
ياشين الرامي اللي لا رمى يرمي بدون أعيار= يزاحمنا على المعناز والاهداف يخطيها
ابن سرحان الثبيتي
تبا مني كلام الصدق هرجك ماعلاه اغبار = ولكن الوجيه البيض مابانت مواريها
تذرا عن عيون القوم وانت الفارس المغوار = ولن قلنا لك ارقا فالطويله قلت راقيها
المتحد
يدورن الليالي يالثبيتي والفلك دوار= وحنا لحتمى الميقاف نعقلها ونثنيها
أنا أحد العداء وأصدهم بالصارم البتار= لكن أنته تجامل روسها وتحب أذانيها
ابن سرحان الثبيتي
تلبست العواري فوق جنبك والفتوق كبار = نهار ان المراجل تنكتب تحت اسم راعيها !!
ابا جامل وسيع العرف والصنعه لها اسرار = وقشران الوجيه احط وسمي في علابيها !!
المتحد
هذا ديدنك من وقتاً مضى يالثعلب المكار= تلوم أهل المراجل وانت حاميها حراميها
حرام أني لسوقك لين تلحس نار ابن عمار=بعدها تقبل اسلوم العرب والا تخليها
ابن سرحان الثبيتي
هذا حظك مع اهل العرف !! عزالله نقول مجار !! = نبا نكحل عيونك بالمعاني وانت تعميها
تسوق الذيب وانته صيد له هذا الحكي ماصار !! = وبعضات العلوم الله يستر من تواليها
المتحد
بعد حضك رمابك يالثبيتي بين نار وغار= شعمت النار مار النار ماتقوى تصاليها
ابن سرحان بارودن ليا شم الفتيله ثار=ومضمون القضيه حكمها فيدين قاضيها
|
