رحنا وجينا مالقينا راس يطحنا عنيد = واثر معاندنا عظيم الشان ما بعد اخلقه
اليا زعلت ازعل ولا انته بعد مزعالك سعيد = رضاوتك مشعابنا بين الاذاني نطبقه

ماني بخابر لي مطاري على الهيلا يزيد = ان قلت وان ماقلت حنا اللي ندقك دقدقه.
ماهوب مفتكك من عتيبه لا قريب ولابعيد = الهرج طيب والفعول معاكسة وامبندقه.

ماني بزايد في علومٍ عندكم نهج رصيد = يا مطيب سعود العصيمي لوّ مامعه سلقه
تفتكني يمناي وقت اللازمه والله شهيد = لاكنّ ليت صويحبي يلقى كريمٍ يعتقه

علومنا بافعالنا مبنى على ساس جويد = ياراعي البيضه وصاحبها اقل بيضك واسلقه.
نبا نسوقك سوق لين انك عن الزلة تهيد = لين المطاري مايحصل حرف واحد ينطقه.

البيض كلٍ ياكله يا سعود ما تعرف تصيد = يا ماكل العرجون جعله في بطينك محرقه
ما هوب سايق له حدا ماهوب جايب له جديد = يا ليت حبله من رجلوله يا عتيبه يطلقه

بيضك خصوصي غير عن بيض الاوادم يافريد = يالشاعر اللي من سمعك ايقول معه معلقه.
اللي يناحينا يبا يبرك بزاره فوق حيد = لكن ريح لاتنوش لك جمل ماتلحقه.