صاهود

سلام اللة سلامن يكفي العتبان تسع شهور=من حدود الكويت اليا ورا سيـل الثبيتيـة
لقينا في مشافي ظلم علة مالهـا دكتـور=وخبرها واصلن لشيوخ عروة والبجاديـة

الطيار

هلا يامرحبا ترحيبةٍ تكفـي زمـن ودهـور=عليك انته وربعك جتـك مربوعـه ومثنيـه
يقولون العرب وصفه من اللي ياكلون السور=ولا له عرق ياصـل فـي قبايلنـا العتيبيـه

صاهود

يدوم الك البقا لكن سعيك ماطلع مشكور=تحاول تنفي الاخبـار والاخبـار مرئيـة
الأ واشلون تنفي والخبر فمحطتك منشور=وبعد اشوي يطلع فالقنـوات الفضائيـة

الطيار

نعرف اهل العيون العمي ونعرف العيون العور=ولو تلبس قناعك طاح بين الشمـس والفيـه
ياجلاب العلوم الوسم في خدك كمـا الباكـور=وباقي علمك اللي محتزم بـه تحـت رجليـه

صاهود

تحسب حبيب الروقي يبا ينفعك يامستور=تبا تدفن ولا حصلت من مستور ربية
يدينن ماتحوش المرجلة مكانها التنور=ولولا احبيبك لاذبحك في وسط السعودية

الطيار

انا مستور وانته من صواديف الزمن مقهور=بعد ماعرقبوك وحطو الكيـه علـى الكيـه
تقوله يالمغني وانت مشوي كنك العصفـور=وجودي لو اشوفك بالنظر والزمـك بيديـه

صاهود

يكفيني شليويح المطيري راعي البابور=ليا غنا يثير الرعب فاعيال العصيمية
الا يحليل ذا الطيار ايطير ومن وراة اطيور=واذا حس بخطر خلا الطيور تروح مشوية

يكفيك الحصاه اللي بحلقك صكت الحنجور=ولايمديك في هاذي ولا يمديك في ذيه
يجيك الصقرمخالبه يجزك من وراه صقور=تناهبك الصقور الجارحه ياطير قمريه

المشاركة الأصلية كتبت بواسطة الطيار.. (المشاركة 834930) يكفيك الحصاه اللي بحلقك صكت الحنجور=ولايمديك في هاذي ولا يمديك في ذيه يجيك الصقرمخالبه يجزك من وراه صقور=تناهبك الصقور الجارحه ياطير قمريه

المشاركة الأصلية كتبت بواسطة زياد الشطيطي (المشاركة 834934) صاهووووود صح اللسانك يا سنايدي اشووف الدعوه احميه هههههههه ابشر والله بالصفوووف وانا ولد عبااااد روووح والوعد قدااااااام ولا يهوون الطيار شاعر ومبدع

المشاركة الأصلية كتبت بواسطة الطيار.. (المشاركة 834932) تسلم يامعجب بس لاتنسى الخصم تراه شاعر معروف ههه