بعطيك علم وكلام ينشـّف الريق = وينشـّف البحر لو زاد أصطفاقه
يا كم فالوقت صايرة ٍ تلافيق !! = حتى أنت محطوط من باب اللفاقه

انا حلفت برضا رب المخاليق =مثلك على الارض مايدرج بساقه
دوك الكلام المثبت بالتواثيق =تنقصك يالاجودي بعض اللباقه

..


..

.

الحلف يا صاحبي وسط الطواريق = مثل عدمه والشـّعر دوّر مذاقه
النقص ما يلحق رجال ٍ مطاليق !! = من خِلقة الله .. ولا هم بالبطاقه

لاخلص الدرس تبشرلك بتطبيق =اصبر وشكرك على موس الحلاقه
ياقادح اخذ العبر من حرب الاغريق=بكره عليك الغزو يحكم نطاقه

..


..

.

يا حاكم اللعب ضدك ماش تشويق = أظن للملعبة ما فيك طاقه !!
علمي وصلك .. وورى علمي لواحيق = عاين لها وأرتقب .. مع كل طاقه

اللي يشوف اليمن من طلعة طويق =حرٍ وله مع هل الماقف علاقه
ياقادح البشت في وسط الصناديق =واللي يبا البشت لايزعل رفاقه

المشاركة الأصلية كتبت بواسطة ابن سرحان الثبيتي (المشاركة 827280) ابداع قادح شرار & حاكم الغنامي صحت السنتكم والقلوب صحاح