انته معزب مير ماعندك شراب ولاش قوت = على بساط الفقر هذي عيشة الفقرانيه
لو رحت تلعب ياعلي مااشتالك السيل النحوت= هذا اللي انته فيه فالح ياابرق الجنحانيه

حنّا على الطالات يا سلطان بانين البيوت=ماهيب خيمه يقتلعها الريح يا سلطانيه
غرقت في موج البحر و انته ما عندك جيلبوت=و الله لو انّك ( كريّم ) شاعر الجذعانيه !!!

بنيت لك ياعلي بيتٍ مثل بيت العنكبوت = والله على اللي وقعت بين الضلوع الحانيه
هذاك طير من طيور العز ذكره مايموت = ماينتقارن في سعد والعود ابو دخانيه

الكلمه اللي ما لها خانه تحت ماطا السبوت=مفلوج راع الحجّه اللي مالها برهانيه
طيرك يابن عساف من جنحانه الريش محتوت=و صقورنا ماهي بمثل ملهّي الرعيانيه