الحر ياصاحبي ماهوب مثل الحمام=يطلع مراقيب والوادي ماينزله ابد
واناتراني معك في نور والا ظلام=والسبت مايقتفيه الا نهار الاحد

ياعنك هداج تيماء لو تجيه الحيام=ماتنقصه شي لو تلازمه للابد
خلك معي والعوض تلقاه فوق السنام=احجاجنا قدم ضيف الخير ماينعقد

ياعنك مال اللزوم الا جويد الحزام=يوم الضيعف على درب النشاما قعد
انا ادري ان الكرامه من صفات الكرام=والا البخيل الردي لاجاه ضيفه جمد

المشكله فالقديمي دقرٌت فالعظام=وشعيل منها برك واليا برك ماهبد
يالطرقي الدرب قدمك وانتبه للكتام=الجو له نكبتٍ في عود ولا ولد