المشاركة الأصلية كتبت بواسطة سلطان الجـذع (المشاركة 812237) شفت انا الموضوع فالبث المباشر والاعادة = والدعاجين كتبوا وجهة نظرهم فالجريدة

اعترفت بغلطتك وانا احسب ان الصدق عاده = لين شفتك يا الجذع سلطان تعمل له مكيده
الدعاجين اطلبو منك وبني عمك شهاده = مير يا الجذعان عيّا ابليس يا الله لا تعيده

المشاركة الأصلية كتبت بواسطة قادح شرار (المشاركة 812257) :) هههههههههه . كل العرب كان لهم وجهات نظر فالموضوع .. :) صح لسانك يا الأسطوره ,,, وصح لسان حمد جوباح .. تقبلوا مروري ..

لاتحاول .. غلطة المقرود تبّاع القرادة = الجذع عنكم بعيد ...مع .السبورة والقعيدة
قد عطيناكم شهادة حق في حرب الابادة = عندنا العلم اليقين وعندنا بيت القصيدة

من كلامه يا جماعة خير وثقنا استناده = من يحضّر في عنيزه ما يغيّب في بريده
لا تزور الصيدليه قبل دكتور العياده = وصفة الدكتور عنده مير حوّل في رصيده

لو بلغت اللي بلغت ..البحر ماتبلغ مداده = وانت مدري من كلامك وشهو اللي تستفيدة
خلها تسري وجنح الليل يسترها سواده = مادورا عنها الحباب ولادروا عنها عبيدة

والله انك لو دريت ان القبول من العماده = ما بلغت اللي بلغته بالقوانين الجديده
الجذع سلطان يسري والنوايا في فؤاده = يحسب ان العلم ميده مير انا ماني بميده