لاتحسبنك مجود كتابك باليمين = كان هذي عيشتك كلها حرام سحت
جيتنا غازي من اهذيل بالجيش اللعين = مار بار الجيش وانته يافواز انذبحت

هكذا الابداع ولا بالاش
صحت السنتكم

ابن سرحان الثبيتي

يالهذيلي كان ماجيت بالعذر السمين = والله انك من عيون النشاما طحت طحت
قام حظك مع عتابه على منهج ودين = مير دامنك تعديت والله ماربحت

فواز السعيدي

يالعتيبي ما يضر القرين الا القرين = لاتدربيك الحميّه علينا لو سمحت !!
قام ابن سرحان ينظر بعين وصرّ عين = مار انا ماني بزعلان منه ولا فرحت !!

ابن سرحان الثبيتي

لو نحدك يالسعيدي على حلف اليمين = تعرف انك دست درب الخطية وانفضحت
نحسبنك مع عتابة سفير الغانيمن = مار ليتك عند ربعك يافواز استرحت

فواز السعيدي

مانقر العلم والله دعاك بشاهدين = والله اني من كلام الثبيتي مانجرحت !!
انشد النشمي ومعجب وكل الحاضرين = من بني عمك يجيك الخبر (وش فيك صحت)

ابن سرحان الثبيتي

الخطية ماتجي من رجال طيبين = لن فهمت الدرس ولا يابن عايش شرحت
احسبنك من هل العرف والجنب المتين = لين اريت اعلومك اللي بعدها ماصلحت

فواز السعيدي

انت شاعر صح مايختلف فوقك ثنين = والمعاني هوش ياتنطرح ولا طرحت !!
والله اني فاللوازم كما الحيد الزبين = مار وين المشكلة لو مع اصحابي مزحت !!

ابن سرحان الثبيتي

كان تبغاها كذا ابشر الك بعلم زين = ابك اقلك قوم وانته على طول انسدحت
سالفه ياكبرها منك يابو حجتين = راسب من العام فيها تحسبنك نجحت؟!

فواز السعيدي

صاحبك يمدحك وانته ورى خاطرك شين ؟ = الزم الميقاف ياصاحبي دام انمدحت !!
يكفي اني مع هل الدار قبل انك تبين = وين راحت فزعة اثبيت وانته وين رحت !!

ابن سرحان الثبيتي

لاتحسبنك مجود كتابك باليمين = كان هذي عيشتك كلها حرام سحت
جيتنا غازي من اهذيل بالجيش اللعين = مار بار الجيش وانته يافواز انذبحت