| حاكم الغنامي |
03-Feb-2009 02:46 PM |
ناصر الجلاه
من شاف لي صاحبي راع الحصان وراعي الكور=لعل نرضـي سموعـه قبـل لانخسـر لسانـه
الليلـه الليلـه اللميـدان يامنهـي ومـامـور=بينـي وبينـك مايجرفنـا المجامـل والميانـه
حاكم الغنامي
ماشفتني يالجلاه الله حسيب عيونك العور=ماتدري ان الجدي مايختفي دايم مكانـه
يفور دمي ليا شفت الجلاه يلف ويـدور=والقلب مايدبله غيـر الخباثـه واللعانـه
ناصر الجلاه
إبليس مدحور واللي يتبعه فالدرب مدحور=واللي سواتك من الدنيا ترى ولى زمانـه
ماني ياحاكم بشاهد زور وألا ومنبش قبور=لكن يدبل فؤادي هرجـةٍ مـن غيرخانـه
حاكم الغنامي
دمحت الك وحّده والثانيه ماني بمجبـور=لاشك ماني وريثٍ للرخامـه والجبانـه
ياقدرة الله كيف انته ولد عـمٍ لمستـور=والعود معروف ماتصغا لقول الناس اذانه
ناصر الجلاه
اشوفها فيك يارجال قبل سنيـن وشهـور=واقول بلوى عساها ماتطـاول فالبنانـه
وانته ولد عم من واقول لك بالطيب مذكور=ياللي تبى المجد ماجيته ولا حتى وزانـه
حاكم الغنامي
قد قلتلك يالجلاه الضاميه ماتـارد الغـور=واثرك ينقصك شي من التكانه والرزانـه
الله يسامحك كيف اتغرك اهل العز والشور=بالسيف مضرابها يومن ضربك خيزرانـه
ناصر الجلاه
نحت صم الصخر ياللي تلقط كـل منثـور=خابرك لاصاح صياح الوغى مامن حصانه
لاتشمل القوم هرجتنا مابين النحر والزور=ماهيب الحر في جو الفضاء فرخ السمانه
حاكم الغنامي
مسكين ياللي بكفينك تريد اتغطـي النـور=النور ياللي تغطه واضـحٍ للنـاس عانـه
بغيت ارد الخبر مير الحيا من ذخر منصور=والا انت ياناصر اعلومك تساهيل وهوانه
|
