المشاركة الأصلية كتبت بواسطة سلطان عايض العايضي (المشاركة 802984) قاف حامي بين ثبيت وصح الله السنتكم تسجيل متابعة

المشاركة الأصلية كتبت بواسطة بجّاد الثبيتي (المشاركة 802990) ابدااااع وصحت ألسنتكم ومتاابع معكم قلباً وقالباً ومتقلباً :)

المشاركة الأصلية كتبت بواسطة فيصل بن ضاوي (المشاركة 802999) عزالله أنكم ونستووني طاروق حماسي يستحق الترقب تحياااتي للجميع

ان كان تبغا الكلام اللي من اعماقي = راحت علاك الهنوف وراحت الطوقه
راحت مع القوم وانت اتلد الاحداقي =وانا ليا جبتها لك قلت مسروقه

كلام هذا الخبل ما ضيّق خناقي = وزينات الأيام ... مطروده وملحوقه
ولا صار حد السوالف ... موس حلاقي = فايز كما بيضة ٍ فالقدر مسلوقه

ابن سرحان الثبيتي

الليله القاف راقي والهدف راقي = عانوا بعير المعاني حملها فوقه
قادح شرار احسبنه درعي الواقي = لكن عود على برقا مع الروقه!!

قادح شرار

من يستخف الرجال .. إش عاد له باقي = ماله سوى غيث مزن ٍ لاحت بروقه
ما تعترض فالطريق بدون سوّاقي = أكيد عندي سبب .. محفوظه حقوقه

ابن سرحان الثبيتي

لاعاد تشره علي ان ضاقت اخلاقي = واصبر على ردها لا جتك مطبوقه
لو تكشف اوراقك انا ما كشف اوراقي = وانا عيوني تشوف اكبود محروقه

قادح شرار

أنته لزرع المشاكل .. دوم توّاقي = وأصبح بعير العدو ... يحدّ فـ(شدوقه) !!
ما بتركك لوّ كبدك راحت حراقي = يا حبة ٍ فالنجر .. من عصر مدقوقه

ابن سرحان الثبيتي

انا ليا قمت من دونك على ساقي = ولياك تحذفني ويمناك مخروقه
ليتك رفعت العباه بسلك علاقي =ماشلتها من على غاربك مشقوقه

قادح شرار

إن قام ولا ّ قعد .. من جرح ما فاقي = ما ألوم فايز ليا من نزفت عروقه
أنته علومك ترا ... يا طاق طرباقي = ما أنته بجايب ذهب غالي وسط سوقه

ابن سرحان الثبيتي

ان كان تبغا الكلام اللي من اعماقي = راحت علاك الهنوف وراحت الطوقه
راحت مع القوم وانت اتلد الاحداقي =وانا ليا جبتها لك قلت مسروقه

قادح شرار

كلام هذا الخبل ما ضيّق خناقي = وزينات الأيام ... مطروده وملحوقه
ولا صار حد السوالف ... موس حلاقي = فايز كما بيضة ٍ فالقدر مسلوقه