ان كان هذا ردك مصيبه ..ايو الله مصيبه = لكن بعديها على شاني ..عدت على شاني ؟
تبا ظلام الليل نسريبه ..وش فيه نسريبه =لا تلتفت وتقول ماداني .... مافيه ماداني

الصاحب اللي فاضيٍ جيبه آحطّ في جيبه=و أعطيه ممّا ربّي أعطاني من فضله أعطاني
تراك لو دوّرت تجنيبه ما فيه تجنيبه=حتّى تذكّرني ما تنساني ما عاد تنساني

استغفر الله ويش اسويبه .. مدري شسويبه = الياذبحته بالمريكاني ..ثار المريكاني ؟؟
لكن ابقطع عراقيبه ... واشذب عراقيبه= حتى ليا ناديته اوحاني ... لو كان ماوحاني

مثلك ليا من قلّ تاديبه قمنا بتاديبه=انا أعتبرك بحسبة اخواني مثل أصغر اخواني
الشّذب و النمّات و الغيبه عادة هل الغيبه=ما هيب من طبع أهل الإيماني لضعاف الإيماني

المشاركة الأصلية كتبت بواسطة علي فلاح العضياني (المشاركة 801854) مثلك ليا من قلّ تاديبه قمنا بتاديبه=انا أعتبرك بحسبة اخواني مثل أصغر اخواني الشّذب و النمّات و الغيبه عادة هل الغيبه=ما هيب من طبع أهل الإيماني لضعاف الإيماني

دوب العضياني بدا شيبه .. لكن واشيبه = تحسب وتحسب وانت غلطاني لازلت غلطاني
والسيف في جنبك مضاريبه ..بانت مضاريبه = لا تحسبن الناس عمياني ...ماهم بعمياني