يشهد الله لك بقلبي مقام=مانويت ارسم بخدك وسوم
يابن سرحان هذا العام عام =فيه نرقا على عال الرجوم

ابك ياحاكم الحرب انتقام = وانت مسكين ماعندك هجوم
ون حدتك الليالي للزحام = طحت مفجوع مابين الخصوم

لاركبنا وسلينا الحسام=صار قسمي من خيار القسوم
تعرف القوم لاثار العسام =تدخلك في وسيعات الكموم

المراجل ماهي قول وكلام= دونها الموت في زرق السهوم
مار مدري علامك ياغلام = لا انت لاش ٍ ولا ربعك رخوم

حطلك فرش من ريش النعام = يالثبيتي تريّح ومخدوم
غيرك اللي سرى ليلٍ جهام =كل سوقٍ يبيع ابه ويسوم

حاكم الله يعينه مايلام = طاح في سوق الاسهم والرقوم
يوم جانا معه قرشين خام = ماتكفي لتسديد الرسوم

حاكم الله يعزه مايضام =بالمتن يدحم كبار العزوم
يشهر الحر بجناحه وحام =مايهمه صخب بطٍ يعوم

الصقر ماقعه روس العدام = والخراب ايتلوى فيه بوم
كان ودك تحصلك وسام = اسهر الليل لا شوفك تنوم