الهيـــــــــــــلا *** منتدى قبيلة عتيبة
صفحة 3 من 4 12 3 4
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   فوااااز السعيدي متى سمح لك وقتك تفضل: (http://www.otaibah.net/m/showthread.php?t=83592)

فواز السعيدي 25-Dec-2008 09:26 PM
الله الله


انا مانيب قايل يالعصيمي شبت قبل الشيب = انا ضيفك وهاذ الهرجه اتدينك مواريها !!
هبا ياوجه راع المشكلة عنا يهيب يهيب = على قول المثل ماللجروح الا مداويها !!

سعود العصيمي 25-Dec-2008 09:48 PM
ههههه

فواااز يعطيك العافيه يابحر وصح لساااانك
استلم

و

الختام عندك:

ضيوفٍ ماتعرف الواجبه تقعد بلا توجيب = وهذه كلمةٍ مابين كاتبها وقاريها.
جروحك وسط روحك ماتناساها يالين اتطيب =لكن داو الجروح اتروح بامرالله ويشفيها

سعود العصيمي 25-Dec-2008 09:52 PM
سعود العصيمي=
علامك يالسعيدي رحت مع دربٍ علاك صعيب=وطاوعت الفقارى والمجنن فـي دعاويهـا.
ماتدري إنّا كعام المعتدي غصبآ بليـا طيـب=فعولٍ ثابته فـي حاضـر الدينـا وماضيهـا.

فوااز السعيدي=
الا ياسعود يعوي ذيب ويجيه الردد من ذيب=كذا ولا كذا ياخـذ رددهـا ليـن يوحيهـا
انا ماني بجاهل والعلـوم مهذبـه تهذيـب=وريع المشكلة والله لاسـده دون راعيهـا

سعود العصيمي=
ترا أطيب ذيب لامنّا زعلنا نادبه تأديب = تسمعها بسمعك والعرب تسمع باذانيها.
تقوله يالمهذب وانت فاتح لك علاك دريب = ولن جتك المصيبه فوق رأسك وين تغديها.


فوااز السعيدي=
تبا تزعل وترضى يالعصيمي واتحضر وتغيب=وابفتلها على راسك يبن عاصم وامشيها !!
اجل مادام شرهتنا على العقال مابـه ريـب=اكيد البادي اظلم وانت عارف من بدا فيها !!

سعود العصيمي=
تبا تاخذ وتعطي والنتيجة صفر والا شيب=بحجان السعيدي والرموش وماحواليهـا.
ترا ماجاك زله منه يوم انك حدرت اشعيب=ولو انه عطاله سكـةٍ مانـي براضيهـا
.

فوااز السعيدي=
تبا العلم الوكاد اللي بلا خدعه ولا تشذيب ؟؟=ترى بعض الملاعب ماتنومسني معانيهـا !!
سعود اشتال كبسونه ويخطي فالهدف ويصيب=حرفها دون ابن عمه ويم هذيـل حاديهـا !!


سعود العصيمي=

تباعلم الصراحه والصراحه ماوراها عيب=تباتمشي مع اهل القافلـه والا تخليهـا.
تهندس ماتهندس ماتعرف الفك والتركيب=يافواز السعيدي كلمتك وينـك موديهـا.



فوااز السعيدي=
انا مانيب قايل يالعصيمي شبت قبل الشيب=انا ضيفك وهاذ الهرجه اتدينك مواريها !!
هبا ياوجه راع المشكلة عنا يهيب يهيـب=على قول المثل ماللجروح الا مداويهـا !!




سعود العصيمي=
ضيوفٍ ماتعرف الواجبه تقعد بلا توجيـب=وهـذه كلمـةٍ مابيـن كاتبهـا وقاريهـا.
جروحك وسط روحك ماتناساها يالين اتطيب=لكن داو الجروح اتروح بامرالله ويشفيهـا

فواز السعيدي 25-Dec-2008 10:04 PM
طيب طيب


اجل لاقلت (ياسعود العصيمي) تنتفض وتجيب = وعين المودماني ياسعود الله يعميها !!
مقاليط النشاما مالهم دون القدى تجنيب = وبعضات الهروج الهافية والله مدانيها !!

الشــاهد 25-Dec-2008 10:05 PM
وش السكة اللي ماهيب مرضيت ياسعود هههههههههههه

فواز السعيدي 25-Dec-2008 10:06 PM
القرم والخصم العنيد سعوووووووووووووووود العصيمي



امتعتنا بهذا الطاروق الجميل



صح بدنك يالغااالي


وشكرا للجميع على المتابعه



وتصبحون على خير

معجب العتيبي 26-Dec-2008 02:13 AM
الله الله

سعود الابداع والتميز

طلبت فأبدعت واجزلت

صح لسانك ملايين

المبدع فواز

اجبت الطلب فأوفيته حقه

فلله درك وصح لسانك

الصاطي,, 26-Dec-2008 06:58 PM
قاف رائع وممتع


لله دركم يا شعار




مبدعين بكل امانه

سعود العصيمي 26-Dec-2008 08:00 PM
اقتباس:
المشاركة الأصلية كتبت بواسطة معجب العتيبي (المشاركة 788352)
الله الله

سعود الابداع والتميز

طلبت فأبدعت واجزلت

صح لسانك ملايين

المبدع فواز

اجبت الطلب فأوفيته حقه

فلله درك وصح لسانك


معجب العتيبي

الابدااااع

هو مرورك وتواجدك بهذا المتصفح.

صح بدنك يااستأذي.

سعود العصيمي 26-Dec-2008 08:03 PM
الصاطي


مرورك

عطر المتصفح

ولاهنت على اطراااائك الجميل.


لك كل الود والاحترااااام.


الساعة الآن »05:16 PM.
صفحة 3 من 4 12 3 4
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd