سعود العصيمي
سلامي بردية وطرق (ن) قدح قـدح=معاني وشقر وزند يقـد قـدح قـدح
وابي شاعر(ن) للرزق عنده قدح قدح=وكلآ ن على سلمه وعلمه ومنهاجـه
ياسلام الله سلام يقفل ابـواب الرخامـه=يكسي اهل القدر بالتقدير والبيرق سعودي
مالقينا اللي يقول الحرب اخير من السلامه=حمل يبغاله سنام بعير والبيـرق سعـوي
مرجح الميزان
هلا مرحبا باللي لطرقه طرق طرق=
لو انه على باب الغناوي طرق طرق..!!=
يبا الخير يوم الخير جاله طرق طرق=
وكل على سلمه وعلمه ومنهاجه=
مرحبا ردية في وصفها مثل العمامه=فوق راس اللي مقامه غير والبيرق سعودي
سرها وشعيل عزه يالعصيمي من سنامه=ويا عسى فاللي تجيبه خير والبيرق سعودي
سعود العصيمي
يدوم البقاء والكل ناسٍ طبع طبع= نبي نكتب اكتابه ونطبع طبع
ومن زل دربه فالمصيبه طبع طبع = وكلا على سلمه وعلمه ومنهاجه
البقاء والطيّب اللي ماالحق الطيب ملامه = يحسن التفكير والتعبير والبيرق سعودي
ودي اقوّم على روس المجانين القيامه = لين حتى وادهن الها السير والبيرق سعودي
مرجح الميزان
ليا من نويت اللي نريده فهم فهم=
وحاول تفهم ما نخطه فهم فهم=
قبل لا تقول الناس شاعر فهم فهم=
وكل على عرفه وسلمه ومنهاجه=
شعرةٍ تفصلك يا درب السلامه والندامه=والقضيه وصلت التخيير ..!! والبيرق سعودي
أنت ودك مار في وجهك مبينةٍ علامه=ما تبا التوضيح والتفسير والبيرق سعودي
سعود العصيمي
انا المبتدي والعلم باقي قـدم قـدم= تقدم قدم والا تراجع قدم قدم
يشوف الشجيع النار والها قدم قدم=وكلآ على سلمه وعلمه ومنهاجه.
مايجوز العذر وقت الواجبه دون الجهامه = وانت مانته فالعيون صغير والبيرق سعودي
العلامه بينه مغير اسم فوقه وسامه = اعرف الميراد والتصدير والبيرق سعودي
مرجح الميزان
توضا وسنن يالعصيمي وصل وصل=
ترى الموت لجلك من علوه وصل وصل=
وهمزة قطع ما هي بهمزة وصل وصل=
وكل حسب عرفه وسلمه ومنهاجه=
العصيمي قدمنا ذا الليل مدري وش علامه =يكثر اللفات والتدوير والبيرق سعودي
وش يفيد الطول يا دكتور فرقبة النعامه..؟!=ولو نقول تطير ..؟! قلت : تطير والبيرق سعودي
سعود العصيمي
والا يامرجح من سبأ جاء نبا نبـا=مع السايق اللي دوب نوره نبـا نبـا
وحنا من علوم النشاما نبا نبا=وكلآ على سلمه وعلمه ومنهاجه
العصيمي يالمقاطي لو تمعن في كلامه = ماقعدت اتكثر التدوير والبيرق سعودي
انت لو انك تعرف الحر من طير الحمامه = كان فعلك وردك للبير والبيرق سعودي
مرجح الميزان
بعد جاك من سايق جهينه خبر خبر=
وش اللي تقوله دام مثلك خبر خبر=
بأن الحويه عكس درب الخبر خبر..!!=
وكل على علمه وسلمه ومنهاجه=
لو تمعن ما تمعن ما لقى له غير شامه=كبرها ما يحوج التكبير والبيرق سعودي
أثرك اللي لو هرج باللي يشوفه في منامه=كان حط البوش فوق بلير والبيرق سعودي
سعود العصيمي
ابا احلم عدايه فالمواقف حلم حلم=ووجه الغضب ماهو بوجهٍ حلم حلم
لكن المقاطي يوم نام و حلم حلم=وش اللي حلم به حسب سلمه ومنهاجه
المرجح بارك الله في شرابه في طعامه = مادرا عن مايقول الزير والبيرق سعودي
لو درينا كان راسك حاجمينه بالحجامه = يمكن اللي مايصير ايصير والبيرق سعودي
مرجح الميزان
تروس العبيد اللي علاها العصا عصا=
وعمانها تمسي هياكل عصا عصا=
هذا حلمنا يوم المرجح عصا عصا=
طريق يغير نهج ربعه ومنهاجه=
يا رجال العرف يا قوم الحميه والشهامه=من يقرب حقنة التخدير..؟ والبيرق سعودي
تحسب انه مثلك راسك فيه للميسم كرامه=والسبب من شدة التحجير والبيرق سعودي
