لا جيت أبمزح معه زعله المزيح = وان جيت اعلمه الحقيقه ملها ..!
مسلم .. ولو زعلوا معبدت المسيح = ماهوب كل اللي تجي نومن لها

السميــــــري

يامعجب أن مريت سلّم واستريح = لاصرت ماتبغى المشاكل كلها ..!
أنته حصاةٍ لا تزاح ولا تزيح = مافيه غير أحفر لها وأدفن لها

معجب العتيبي

انته تقدم للنصايح يافصيح=وبعض المسايل تبتلش في حلها
لأسرار نفسك يالسميري لاتبيح=يمكن تسبب لك مشاكل.. خلها

السميــــــري

هاك النصيحه كان تبغى لك نصيح = ادروبك اللي جيت منها دلها !
اللي ورى قلبي ..ورى قلبي يطيح = لكن لك حمله تبى تشتلها

معجب العتيبي

خل التميلح عنك يالرجل المليح=وان كان ابه هرجه تفيدك فلها
مافيه عاقل في حياته مسترح=كلمتك هذي يالعميل افطن لها

السميــــــري

آبى اجلد القبيح في وجه القبيح = هذا تراها قاعدة واجلها !
اللي على عجله وله قلبٍ ذبيح = مايعتبر لين العيون نخلها

معجب العتيبي

وجهة نظر لكن لا لاتستبيح= منها الدما بسيوف جيت تسلها
الظاهر انك من عنا نفسك تصيح=لكن عوّد للصلاه وصلها

السميــــــري

لا جيت أبمزح معه زعله المزيح = وان جيت اعلمه الحقيقه ملها ..!
مسلم .. ولو زعلوا معبدت المسيح = ماهوب كل اللي تجي نومن لها