الهيـــــــــــــلا *** منتدى قبيلة عتيبة - سعود العصيمي ...صابت ولا زحلطن ...؟؟

عبدالمجيد العطاااوي

ياسلامي على الهيلا نمور المواجـه=لأنكشف بارق الغارة وثار العجاجي
العصيمي مضيّع صيدته في عجاجه=خمّ معجب وعينه للثبيتـي تناجـي

سعود العصيمي

مرحبا من ضميـرٍ ماتعكـر مزاجـه=للمسلم على دلـة وفلـة حجاجـي.
شاربه من قراح العد ما هو هماجـه=ما رجى غير وجه الله ولاهوب راجي

عبدالمجيد العطاااوي

عاش من قدم ضيفه ما يعقّد حجاجه=وامّا انا لا لقيته ما تعكّـر مزاجـي
من يوامي براسه مثل راس الدجاجة=واجبه ما يحطّ الاّ بشبك الدجاجـي

سعود العصيمي

نكرم ضيوفنا وانجيب للدّاء علاجه=وانت لاتعترض للموت ماله علاجي
دوّره واروله من مارواه ابن ماجه=الحرار الشقر ماهي بمثل الزراجي

عبدالمجيد العطاااوي

فيه هرجة عدال وفيه هرجة عواجة=والعواجة مصدّرها لسان العواجـي
في المدارس قفل باب القبول احتياجه=وانّ قفلت احتياجك ما قفلت احتياجي

سعود العصيمي

يالعطاوي لاترطن مثل رطن الخواجه = والعواجه موردها لسان الخفاجي.
انت طالب وتدرس والك فالدرس حاجه =والاانا قد خلصت وعالياتٍ دراجي

عبدالمجيد العطاااوي

علّم الشاوي اللّي ما يـداري نعاجـه=لو يطول الزمن عيشه على هالنعاجي
ابك انا جامعة والوجه للوجه واجـه=كلّ حقٍ يجي دونه طلب واحتجاجي

سعود العصيمي

امتولجك من وقتٍ مضالك ولاجه = قلت وش بك علامك قال نور السراجي
مانذمك لكن النور يفضى الزجاجه = مثل ضرب الحجر لاطاح فوق الزجاجي

عبدالمجيد العطاوي

ولّ يالموتر اللّي طايحٍ في كراجه=علّته في المكينة والبدي والبواجي
خاتمتها تجنّب عن دروب اللجاجة=واسترح في محلّك واشرب امرقة ماجي

سعود العصيمي

ول ياموترٍ ماسمي داخل حراجه = وان شري ما شراه الا محرج حراجي.
روح واقنص من الضبان خل الرماجه = الغلا ماانت لاقي لك بسوقه خراجي