| سعود العصيمي |
07-Nov-2008 09:31 PM |
ابوفهد بيض الله وجهك
وصح الله لسااانك
تصبح على خير.
علي الثبيتي =
الليل ياسعود ليلك قمطريـر وعبـوس=مقام ضدك دعاوي> صح مدري خطا!!
تعال اخذلك من الشايب علـوم ودروس=ادروس مثل الفتاوي> صح ماهي خطا!!
سعود العصيمي=
انا وصلتك وعينك ياعلي لاتهـوس=عطنا علومك ياراوي صح ماهوخطأ
دروس علي الثبيتي مالها غير موس=قدمه طبيبٍ مداوي صح والا خطـأ
علي الثبيتي =
اللي يبا يتبع الشيعه ودين المجـوس=يبا يطيح متساوي صح ماهوخطـا!!
الروس ياسعود مايقف لها غار روس=غرتك كثر الهقاوي صح مدري خطا!!
سعود العصيمي=
الله عليهم يسلط مثل حـرب البسـوس=علمّ بها من يخاوي صح ،، ماهو خطأ.
انته من الروس ندريبك وحربك ضروس=وانا على الروس قاوي صح ،،ماهو خطأ
علي الثبيتي =
لو الشجاعـه تقـدر بالذهـب والفلـوس=ماذكر فعل العطاوي < صح ماهو خطـا!!
الشر< ياسعود تشتيت البشـر والنفـوس=والذئب فالشرق عاوي<< صح ماهوخطا!!
سعود العصيمي=
صحيح مار الزمن تاليه عوّد حدوس = يالله ياكاف البلاوي 00 صح 00والا خطأ.
ياعلي مانلبس الا من جداد اللبوس = والذيب يلويه لاوي 00 صح 00 والا خطأ.
علي الثبيتي =
القوم كـلاً يريـد الجـادل العيطمـوس=حتي الجذع والجلاوي صح مدري خطا!!
والله ماني مطاوع ناس عميان طـوس=لو عشت وقتي شقاوي صح والاخطا!!
سعود العصيمي=
من لا يوفي طلبها من بعيد الرموس = ماجات له بالمناوي 00صح 00 والا خطأ.
وانته لابدك تساير طبع وقتٍ نحوس = والا ماتصبح غنااااوي00 صح 00 ماهو خطأ.
علي الثبيتي =
اهجوس تارد واصدرهـا ويـارد هجـوس=وسعود سارح وضاوي .. صح مدري خطا!!
ان كان منته بصابر فـوق حـر الشمـوس=جنب وخل العزاوي .. صح مدري خطـا!!
سعود العصيمي=
الطيب االلي بعقله للنشاما يروس = من بدو والا شواااوي 00صح00 والا خطأ
على الحنش والحيايا يالثبيتي ندوس = مار انت قلبك نحاوي 00 صح 00 مدري خطأ
|
