لو ماخذينا المجد يالعمدة على خشمك طروق=ماكان تطمع في عزاوي قومنا وانسابها
السارق البايق نعرفه روق الخطر تروق=ما سلمت القبلة من السارق ولو صلابها

العام يوم الفعل دمك جامداً وسط العروق=في راس ضلعانك وسكينك بوسط جرابها
نسر ونضر ونسوق اهل الردية سوق نوق=يوم ان بعض الناس ساترها الولي بثيابها

ما خذت يا مسحر كلابك من غروب ومن شروق=الا دناعات ٍ عزيز النفس ما يرضابها
انا حضرت اعلمك قدرك وابين لك فروق= مير انسحب والنافعي في غاربك مضرابها

لو تشعب الاكديش ما اقنعت العرب بانه سبوق=مار اشبعوا من وجبةً جدك لكم وصابها
كبداً نداويها وكبد نزيد حرقتها حــــــروق= والناس ما نجهل حقيقة روسها واذنابها

جمع الحباري جيتها والصقر مفكوك السبوق=وجت الهزيمة ياضعيف الحيل وانت اسبابها
مايصلح انا نفخ القربة وفأسفلها شقوق=واللي سواتك ما حمى الوقفه وربعه عابها

يا راس راعي صفر سبعه ما شبعت من الفلوق=الارض من تحتك مخده مار شم ترابها
باقل مجهودي منعتك من صبوح ومن غبوق=ارجع لغامد بعد بكره صيح في غيابها