سلام فاح بريحة العود من شاعر ٍ بالشعر له شان = يعرف دخوله من خروجه سلام فاح بريحة العود
النقص يامرزوق والزود مايجتمع في كل الاحيان= وانته تزيد العوج عوجه النقص يامرزوق والزود

بيض الليالي تتبع السود .. يامرحبا والطيب عنوان = والكون يامكثر فجوجه ... بيض الليالي تتبع السود
يا صاحبي منته بمحدود .. ترمي بنفسك وسط بركان = والبحر لن غطاك موجه .. ياصاحبي منته بمحدود

ياشاعر ٍ مانته بمحسود دام البقا والهرج نيشان= احفظ ملفك في دروجه ياشاعر ٍ مانته بمحسود
حنا لقينا رسوس وعدود والرس ماينصاه ظميان = والنفس ماهي بمحروجه حنا لقينا رسوس وعدود

الحاسدين بعينهم عود ... ياللي تردد كان ماكان = ياشاعر ٍ ماكثر هروجه ... الحاسدين بعينهم عود
قولك ترى علاك مردود .. ياللي بوجهك كل الالوان = تنقل خبر من كل موجه .. قولك ترى علاك مردود

خبري بك اول تقدح زنود واصبحت فاضي وانت مليان= خل الزعل ماانته بحوجه خبري بك اول تقدح زنود
عز الله انك صرت مقرود من قمت تتبع كل شيطان = شوف السما واحسب بروجه عز الله انك صرت مقرود

كلش ترى له حد محدود .. لكن نحفظ قدر الاخوان = لو الوطن كثرة علوجه ...كلش ترى له حد محدود
مانيب تابع كل منقود .. ياللي رميت بغير ميزان = تغلط وفي هرجك لزوجه .. مانيب تابع كل منقود

اتقولها والوضع مفقود والزود اشوفه صار نقصان= ليتك توزى لك بـ لوجه اتقولها والوضع مفقود
هرجي صحيح وعندي شهود من ربعك الوافين عتبان = مار انت مخك فيه سوجه هرجي صحيح وعندي شهود

حنا نعرف سعيد وسعود .. ونوثق الحجه ببرهان = واللي تحدانا نسوجه .. حنا نعرف اسعيد وسعود
يالمتهم لو تجحد اجحود .. الناس شايفتك بالاعيان= تمشي وثوبك فيه روجه .. يالمتهم لوتجد اجحود