والبلا في واحد ٍ جات الرصاصة في وريده = صابته من واحد ٍ يا رجل ... ما يخطي عياره
ما أنت جايب يا طويل العمر حاجات ٍ جديده = لو تسوق شعيل لين إنـّه ..يبرّك فوق زاره

مرحبا باللي نهار العيـد سوَّالـه قصيـده =مير مدري عقَّبت له فائده ولاّ خسـاره؟!!
أنت ياقادح شرار أسمك طلع (جمله مفيده) = والفعل قبل الأسم والنار تالع من شـراه!!

البقا يا شاعر ٍ تمشي على نهج العقيـده = ليتهم حطوك من بعد الزلامي ..فالأمـاره
العجوز اللي معي يوم إنها سوّت عصيده = العرب ذمو تعبها .. وأهرجوا في كل حاره

كل واحد له شداد ..ويفعـل الله مايريـده = والبشوت بلاش..حظ اللي يحبّون الكباره!!
كان خاويت العجوز أكيد تطرحك بمكيـده = ويمكن اتطّلعك فالصندوق..وهيه فالغماره!!

كل واحد له شداد... ونظرتي دايم بعيـده = والموذن ما يأذن غير من فوق المنـاره
كبتن عتيبه مربّط .. يا جعل ينفـك قيـده = مير خايف بعدها يلذع .. وما يعرف دياره

لونزيد النار فوق النـار ذوَّبنـا الحديـده =وانت تعرف كبتن العتبان يوم يشب ناره!!
أنتبه ياسايـق الموتـر كلامـك لا تزيـده = وانته لاذالحين ماحطيت رخصه وأستماره!!

مالك ومال الهدف ..لن كان ما تقدر تصيـده = ما تصيده من يمينه ... ولا تصيده من يساره
روح يالكبتن وخلك ... بين قحطان وعبيـده = ديرتي ما أنته بمالك وسطها ... حتى عماره

البلا فالصـوره اللـي طلّعوهـا فالجريـده = صورة اجحا يوم ضيّع فأخر السكه حماره!!
احسبن الدرب يمشي ياطويل العمر سيـده = واثر ابه تحويله وكبري ولفّه وأستـداره!!

والبلا في واحد ٍ جات الرصاصة في وريـده = صابته من واحد ٍ يا رجل ... ما يخطي عياره
ما أنت جايب يا طويل العمر حاجات ٍ جديـده = لو تسوق شعيل لين إنّه ..يبرّك فـوق زاره

المشاركة الأصلية كتبت بواسطة متـعـب المهيدلي (المشاركة 759930) ياحلييلك ياقادح شرار ههههههه صح لسانك عساك طيب يالغالي بشرني عنك

المشاركة الأصلية كتبت بواسطة متـعـب المهيدلي (المشاركة 759947) ابد ياذيبان كنت خارج المملكه وماجتني فرصه للتواصل معكم بالغالين