| معجب العتيبي |
16-Oct-2008 05:19 PM |
بندر المرشدي
الجذع يوم العصيمي تشره بالسلوم=راح ياصف نفسه بعادل الكلبانيا
مار انا ياسعود جاني عنه بعض العلوم=بايعٍ جنسيته بأبخس الاثمانيا
سلطان الجـذع
مثل عادل ياولد روق واصلي واصوم = ذاكر الله ومتعوذ من الشيطانيا
مايجي النايم بحلو المنام الا الحلوم = وانت حصلت معك أكيداً مع الأزمانيا
بندر المرشدي
للمساجد مادخل واحداً به ريح ثوم=لو بغيت اصدقك عيت العربانيا
ليش تعلنها على المملكة حرب النجوم=وليش تعقد صفةٍ مع جنود المانيا
سلطان الجـذع
قول مافي خاطرك مااحدٍ ملحقك لوم = عاذرينك لو تكلم بلا برهانيا
العرب يوم أنهم ذكوا الوضحا الردوم = قسموها من ورى القفل والبيبانيا
بندر المرشدي
القضية ثابته بالشواهد للعموم=ياولد عساف ماينفع الجحدانيا
عقب ما طويت صحايف وختمت بالختوم=تاتطلع لك جنايز من الاكفانيا
سلطان الجـذع
هبت ألحايه صبا .. والسما كله غيوم = وانت قدم عيونك العود أبو دخانياااا
أول وثاني وثالث ترى مالي لزوم = من غلطكم ياعرب غلطة الغلطانياااا
بندر المرشدي
الهدف ويش الهدف يوم عقدت الكموم=مكسبك منها ترا.. فرحة العدوانيا
لليسار ان كان ما تثني اليمنى عزوم=ادفنوها من تحت حايط الجدرانيا
سلطان الجـذع
في ضميري منك ضيقة وفي صدري هموم = كلت كيلك واصتغت كفة الميزانيا
لاتحط العيب في يدين مروين السهوم = البلاء في سبيّت والبيت والعمدانيا
بندر المرشدي
والله انك ما انت رخمة وخاويت الرخوم=كيف تحرق بيتك بحزمة العودانيا
الصواقط خلها ياولد عساف شوم=من يبا العليا يكب الكلام الدانيا
سلطان الجـذع
الرقوم الاولة غيرها سجّل رقوم = قصةٍ من عام تمشي بها الركبانيا
ناقة عريمان ياكثر مافيها وسوم = قبل أقول أصحابك تشوف بالاعيانا
بندر المرشدي
انتهت والناس قالوا ترا الوضع محسوم=عقب عام تقوم من نومك وتنصانيا
ويش يستر جسمها.. لو يطيحن الهدوم=تعّزف الدعوى على العود بالالحانيا
سلطان الجـذع
لا تجاهل حقنا ... ماخبرت أنك ظلوم = فاقدٍ لي في حماكم جمل وحصانياااا
ذنبها مقسوم بين الشلاوى والبقوم = عان دمع عيونها جرّح الاوجانياااا
|
