أنا من وقت أقول الرجل هذا كل يوم يزود = لو أنه مال ميزان الزمن مامال ميزانه
على هونك ياابو سلطان حبل السالفة ممدود = قبل نرجع نحدد زود ماقلنا ونقصانه

شهادة حق فيها باطلٍ واضح ومابه فود=وابا اعذر صاحبي لاجر صوت الظلم بالحانه
انا ماقلت غير اللي معه نعمه ترا محسود=اقوله من ظمير الصدق والافكار طربانه

سلطان الجـذع

أنا ماجيت ساري غير أدور معجب بن سعود =عطاوي والعطاوي نقطع الفرجة على شانة
وريث أهل المكارم والمحازم فالليال السود = وتواريخٍ من الاجداد بالامجاد مليانة

معجب العتيبي

هلا يامرحبا ترحيبةٍ ماطبها المنقود=تراحيب المطر بالصاحب اللي عاليٍ شانه
الا ياصاحبي سلطان غبت وجابك المعبود=عقب رد السلام العلم سوقه وسط ميدانه

سلطان الجـذع

عسى فيك البقا ..يابو هلا ياغاية المقصود = يطيب اللي على طيب الفعايل يسرج حصانه
والا ياوارد الماء نصها للصافي القرهود = ركابك لاتعود مع شواوي نجد ظميانه

معجب العتيبي

الا ياصاحبي لاصار مثلك فالبلد موجود=اقول ان البلد ماطبه الا فارس وعانه
تقوله ياوليد الناس وانته مابذلت جهود=وتبني بيتك وتنسى تركب نص بيبانه

سلطان الجـذع

ليا رضيّت علاك أمك وفرحت ضاق أبوك العود = متى تكسب رضا كل الثنين : فلان وفلانه
نصحتك ياوسيع العرف يوم الصادرات ورورد = بنادم ويش خانة نفسه ليا طاع شيطانه

معجب العتيبي

عسى الله يرضي الاثنين ياسلطان يامقرود=ورا القارب بدا ياخذك من خانه ليا خانه
عرفت ان السنع قسمي واضن الحاظرين شهود=وابو تركي حظر ويقول شفت الناس عميانه

سلطان الجـذع

أنا من وقت أقول الرجل هذا كل يوم يزود = لو أنه مال ميزان الزمن مامال ميزانه
على هونك ياابو سلطان حبل السالفة ممدود = قبل نرجع نحدد زود ماقلنا ونقصانه

معجب العتيبي

شهادة حق فيها باطلٍ واضح ومابه فود=وابا اعذر صاحبي لاجر صوت الظلم بالحانه
انا ماقلت غير اللي معه نعمه ترا محسود=اقوله من ظمير الصدق والافكار طربانه

المشاركة الأصلية كتبت بواسطة العازمي (المشاركة 749126) بداية توهج المنتدى سلطان وابو سلطان بل قمة التوهج نتشرف بالاطلاع على ماتكتبون من درر