| سعود العصيمي |
15-Sep-2008 01:45 AM |
محمد المنصوري=
سلام تسليمٍ كما الحيـد الزبيـن المرتفـع=أما رقاه سعود والا ينسـدح فـي قاعتـه
يحط في جيبه سبع ويشيل عن دربه سبـع=ونفسه أليا شبعت من المقسوم الاول جاعته
سعود العصيمي=
يامرحبا ترحيبـة تطلعبـك إليا اطـول ضلـع=وتحوّل محمد ويرضع من طرف رضاعته.
هذه طبيعة من بطبعه خالف اطبوع الربـع=يا الله عسى محمد يحصّل له ربح ببضاعته
محمد المنصوري=
لايلحقك شكه تراها سنعة بدرب السنـع=نمشي على نهج الحكيم ومجهدين بطاعته
الناظر الاول ضحك والناظر الاخـر دمـع=وسعود دار به الزمان الشين دورة ساعته
سعود العصيمي =
يامحمد انته باقيٍ ضرس اللبن بك مانقلـع=وسعود كم روسٍ معاندته واخيـرآ طاعتـه
انته من حمول الجمل ياصاحبي وش تستطع=قلي ودورات الزمن كم من بنـادم لاعتـه
محمد المنصوري=
البدر يوم أنه على الانصار في يثرب طلع=الناس فرحوا غير وجه الكفر بانت راعته
ماني بقايل ضبع ابا اجامل واناديك السبع=دامك مولع والمولع ماوفـاء لولاعتـه
سعود العصيمي=
البدر بادي فالسماء وانته استمع وانا استمع=للعلم الاخر والوديع اللـي يحفـظ وداعتـه
مافيه داعي للمجامل والسبع غيـر الضبـع=نبـا نحـول فالبحـر والليـل ياقطاعـتـه
محمد المنصوري=
يوم أن كلٍ ياوسيع العرف يحصد مـازرع=سعود ماغير البصل والثوم ... كل زراعته
ان قلت وان ماقلت حملك مال يامال الوجع=و اللي سوتك مايحصل فالحيـاة طماعتـه
سعود العصيمي=
يوم إن كلٍ ياوسيع العرف يقرا ماطبع = سعود تبطي عظم وانته ماقريت اطباعته.
سعود نجمآ مثل نجم سهيل في كونه لمع = ودجتي اللي يعترض له مثلكم وضاعته
محمد المنصوري=
تضحك على نفسك ياابو طايل هنا مثل الورع=لكن انا لنـدن ترانـي مااستمـع فاذاعتـه
سعود لاجاه الخصيم امـا سجـد والا ركـع=ترى المخافه قد شرت قلبه شرى ماباعتـه
سعود العصيمي=
يامحمد انته ماتسلّح غير بمسـدس ربـع=والربع مايفتك مـن شالـه ولا صناعتـه
وسعود لو انته كما حـر بجنحانـه شلـع=يطرحك مشعابه بضربه قبل ضرب اسراعته
محمد المنصوري=
ليت الجلاه اللي يعدونه لابن عمه فزع=جاه الثبيتي ثم شيب رمشـة بولاعتـه
ماطير طيرٍ فالسماء يابن الحلال الا وقع=ليت العصيمي يلتحف قبل الشتاء دراعته
سعود العصيمي=
انكان تفرق بينهم تـراك ماكـال الرقـع=من لاجمع شمل العرب بكره ربوعه باعته.
اتقولها ياصاحبي من ضيق والا من وسع=الحر بيّـن للعـرب لـو لبسـوه قناعتـه
|
