سعود العصيمي =

قوم ياسلطان واسمعني وقلي وش تورا فالجمالي وفـي رسنهـا=بعد حمل اشعيل شاله ظهر حاشي والجمال العرب بيعت بالخساره
وانت رجلٍ ماتذل ولا تزلي والعرب بارواحهـا تفـدى وطنهـا=كيف راس الظبي حصل به عراشي والاوادم من يمينه من يساره

سلطان الجذع =

أثر في صدرك خبر ياطير ياللي انشد العراف واخذ العلـم منهـا=فالجمال نحاز والجمّال لاشي غير واحد من عفيف أليا الخضاره
ماتصوم ..أم الكباير ..ماتصلي والمرض في روحها مدري بدنها=من شراب الطاقه يِجِيهِا إنتعاشي .. ليتها ياصاحبي خلف الستاره

سعود العصيمي =

كان مانت من العوارف لاتحلي قدم وجهي والعوارف صد عنها=ليش يوم اناقشك وقت النقاشي تبتلش وانته من اصحاب النعاره
السبب سبة جملك اللي مفلي مانوى نيتـه مـدري ماضمنهـا=والجمال الثانيه فيها تخاشي مار علمك صدره واصـدر قـراره

سلطان الجذع =

عارفه لكن ماانت بفاطنٍ لي يوم لفيت الجنـازة فـي كفنهـا=الجهل باني له براسك عشاشي ياخساره معك شعري ياخساره
ماغدى لك مع جملنا ربع ملي يوفي الوزنه ليا منـه وزنهـا=العدل ياصاحبي حكم النجاشي وانته لسهوم الملامه رحت شاره

سعود العصيمي =

يالمصلي وش تصلي يالمصلي فالفريضة فاتكفيكم سننها= لك معاشك لاتقرب من معاشي فرصةٍ جتني وانا صاحب شطاره
تعرف اني مانزل الا منزللي واشري الجزله ولو يغلى ثمنها = ماطلبت العون من لاش ابن لاشي وانت فالصندوق مانت فالغماره