يا مرحبا في رجال الطيب واهل العرف والجود=وافين سمحين والهيلا هقـــــــاويهم بعيده
يااللي تحكم المعاني انتـــبه للنـــــقص والزود=ما اعطيك يا صاحبي غير العلوم اللي اكيده

دام البقا ياالمرحب والرجال أتزود وتـرود=ذربين الأيمان سمعتـم تنموسهـم فريـده
مانبخس الناس فاالمكيال لا شايب ولاعود=واليا أوعد الرجل يوفي ويتمسك با الوعيده

شـاور وفكر ترا عقل الفتى ما هو بمحدود =ما هوب محـــدود في كــتب المقاله والقصــيده
والفرق واضح وضوح الشمس بين البيض والسود=ولن كنت جاهل ترا الموضوع نشـــرته الجريده

أدري عن اللي تقوله علمك أنته مايبا شهـود=واللي يبا الخير يلقـا خيـر يـوم الله يريـده
الفرق واضح وضوح الشمس مار الدرب مقعود=ولاني بجاهل لكن الفوز سجـل فـي رصيـده

يا اهل المنــــاديب رسلتوا عليهم عشره وفود= بااللي يجز الظهر جبتوه ما عنده عقيده
يبصم بالابهام جاهلها وهو شــــبعان ٍ عــقود= لكـن قلي وش اللي جاب من حاجه جديده

اللي ماعنده عقيده مرتوي من جـم مـارود=وكل وقف معه لجل يساعده يصبـح وليـده
مافات قد فات يامتعب مافي كثر الحكي فـود=ما رفررف الصقر جنحاه ترى من غير صيده

ما فيه حيله ولا هو باذل ٍ جهد ٍ ومجهود=انا اشهد انه على ربعه ماهو والله فقــيده
لكن وش فايدتنا جعل ما يخـطيه بارود=واللي سواته غشيم (اللعب) جعل الله يبيده

كل ينافس من أجل يفوز هذا شـي محمـود=وتصويت ناس لناس أهل القناه المستفيـده
وأنته تنا قض علومك كل ساع حدور وسنود=وينك مادبرت اله ياصاحبي متعـب مكيـده