| معجب العتيبي |
10-Aug-2008 01:48 AM |
المرشـ ساطي ـدي
تعال يامعجب بعد ناديت والعالم تشوف=راسي وراسك والخطر في النقطه الحساسيه
اللي ما يحسب كلمته ما طاف وهيه ما تطوف=يا حبت البن استوي من تحتك المحماسيه
معجب العتيبي
الصاحب اللي يرفع الاصوات ويخط الحروف=اقرا حروفه واعرفه لو العوارف ناسيه
وهذاك ماله مجلسٍ حولي ولا حوله جلوس=والرجل يعرف ياعميل الخير بالجلاسيه
المرشـ ساطي ـدي
والله ما الومك ياولد فالوقت حاصلك ظروف=كم واحد مثلك مسلّم للظروف القاسيه
هبت هبوب الصيف ثم قامت تلوف الغصن لوف=لكن وين فعولها قدم الجبال الراسيه
معجب العتيبي
انا احمد اللة دامني في خير والجهد امخلوف= والناس يا صاطي من الي صابها منحاسيه
الريح لاهبت على الاغصان ماظني تروف=ون طولت شالت جبال طويق قبل الناسه
المرشـ ساطي ـدي
هرجتك هاذي يالعطاوي خلها ..قسم الضعوف=جرب ودوس النار بالاقدام.. ما تنداسيه
يقول معجب شالت الارياح فالناس الوقوف=يعني على معجب خطر لو نسنس النسناسيه
معجب العتيبي
ماوالله الحق ماضي الايام ياساطي حسوف=والمقبلات تعلم الشطار والدراسيه
بعض المدارس علمت طلابها وسط الصفوف=والا بعضها خرّجت طلابها فلاّسيه
المرشـ ساطي ـدي
هي كلمة وحده وضاعت فالدفاتر والرفوف=ليش العطاوي لا لقاها يقلب القرطاسيه
المستحيل ان الشعر ياخوك ينبت في الكفوف=علم الحيا فايت مكان يجيبه العساسيه
معجب العتيبي
المقصد الواضح ترا للناس بيّن ومعروف=وان صار تقليب الورق ياصاحبي لاباسيه
المستحيل ان الخصيم يبادر الخصم بنصوف=حتى يحين الوقت والساعه تدق اجراسيه
المرشـ ساطي ـدي
ما حدن يدور للذكاه الا الخروف بن الخروف=والا الرجل يشهر بعمره ما يماش الساسيه
ان كان ما تضرب عدل والا تنح اعن السيوف=قدمك ولد مرشد ماهوب خليف بن دواسيه
معجب العتيبي
محدٍ يدور للعنا ويقول وسط القلب خوف=واللي ضمن عكس العقاب يقول شوفوا راسيه
بعض السوالف سهله وتشبه لهزات الكتوف=وبعض السوالف ماتزيد الناس غير عماسيه
المرشـ ساطي ـدي
انته طريد الحان باحوال البشر منته كلوف=اللي يقوس الدرب واللي ما معه مقياسيه
بعض السوالف تجبر الرجال شمسه للكسوف=في وسط صدره تشعر النيران بالمقباسيه
معجب العتيبي
احمل رساله والمعاني بين طيّات الضروف=والفرق واضح بين من ينقل ذهب ونحاسيه
والله يكافينا مع الايام شينات الصدوف=حنا بشر ياصاحبي والله قوي الباسيه
|
