المشاركة الأصلية كتبت بواسطة العمــــــدة (المشاركة 703202) طحت في موج البحور اللي تلاطم يالوليده=وانت عايش فالخيام ولا سمعت عن الحضاره ان صدمت براسك المحروس فالروس العنيده=ارض بالصندوق لا تطمع تجي وسط الغماره

أنت لابس والثياب أجداد والعمه جديده=والسنه عيدين وأنته جبت ثالث من نهاره
أقتنع يابن الحلال ولاش موضوعً نعيده=مفتكر في بعض ناسً ما حسب وش هو دماره

بن هداب

من هجوس الشاعر أللي خابرن وش هو رصيده=يا سلام الله عليكم والسلام أجمل عباره
يبدع الشاعر بلحنه والعرب تسمع جديده=والفواسق يا حددانا عذربته من الحراره

العمــــــدة

مرحبا ترحيبـةً تمشي على سلم وعقيده=ترفع المســـلــم وعباد الصنم تهدم جداره
بارك الله فالشريحــــة قدمت راع القصيدة=انتبه يا ضيف مدام المعزب شب ناره

بن هداب

البقى ياللي ترحب والله أعلم في عبيده=مد شوفك للشعيب وكل نارً من شراره
الرساله يالعميد الساعي أرسلها بريده=ثم تبدل حرفها بالسطر من دون أستشاره

العمــــــدة

انت وش موقعك فالاعراب يا شوق الفريده=والفريق اللي تسوق الركب خلفه وش شعاره
الخبر منشور وانا اخوك في صدر الجريده=مالقينا للنجاح اللي يقولونه جداره

بن هداب

موقعي لا جيت فأرضً عن ثمان أمية مديده=وفالسما من فوق روس القوم طحان الحجاره
من ثمان أعوام نفسك تنشدك يا كيف جيده=وكل ناجح لو يحارب يرجع الغاره بغاره

العمــــــدة

بندق الرامي حداها الوقت عن صيد الطريده=واعذاب اللي نكب مستقبله قــــوّ احتباره
ماعليك قصــــــور لكن ودّنا جملة مفيده=انت تحسب فالذياب الشهب والا فالنماره

بن هداب

ماني موكل على درب العمى لو طوّح أيده=ينعته من يعرق بدمه ويعطيه البشاره
الريال أريال ماهو أجنيه والفرصه سعيده=بارك الله فالعميد ويالله تزيده شطاره

العمــــــدة

طحت في موج البحور اللي تلاطم يالوليده=وانت عايش فالخيام ولا سمعت عن الحضاره
ان صدمت براسك المحروس فالروس العنيده=ارض بالصندوق لا تطمع تجي وسط الغماره

بن هداب

أنت لابس والثياب أجداد والعمه جديده=والسنه عيدين وأنته جبت ثالث من نهاره
أقتنع يابن الحلال ولاش موضوعً نعيده=مفتكر في بعض ناسً ما حسب وش هو دماره