المشاركة الأصلية كتبت بواسطة بندر الحافي (المشاركة 699504) لا لا شغل عدل !! محاوره غليان بس على ناار هاديه في امان الله

المشاركة الأصلية كتبت بواسطة /عبد العزيز الجذع/ (المشاركة 699509) الله. يا سلام سلم. سلطان الجذع , قادح شرار. صحت السنتكم.

المشاركة الأصلية كتبت بواسطة مرقاب (المشاركة 699751) سلطان الجذع & قادح شرار بيض الله اوجهيكم امتعتونا ومبدعين من مبطي تقبلوا مروري .. .. ,, مرقاب

سلطان الجـذع

زارنا قادح شرار وزندنا يقدح شراره = يعني الليلة على قول المثل نار وحريقه
طالبٍ يالله تعينه دوب جاء وقت اختباره = أقبلت له ساعهٍ فيها البطل يشرق بريقه

قادح شرار

زاركم قادح شرار اليوم يا وجه الخساره = يا رفيق ٍ لا مشا فالدرب ما يرحم رفيقه
الجذع شاعر حلو ..لكن ذبحته البطاره = كل ما عاين فطرقي ..راح وقـّف في طريقه

سلطان الجـذع

البعير اللي منّول ماينوش الارض زاره = اخر الايام بارك له بحملٍ مايطيقه
وانت ياكل الحلا رد العباره بالعباره = لايجي فالقلب خوف ولايجي فالصدر ضيقه

قادح شرار

كل زرع ٍ لا كبر يا صاحبي نجني ثماره = وأحمد الله يا عميلي أصبحت عندي حديقه
كل تاجر يالجذع حطك على عين اعتباره = ما يبي بعض الحلال يروح من عنده سريقه

سلطان الجـذع

في يمين الدرب خلك لاتعود في يساره = الحقيقة والله انا مانبا غير الحقيقه
والله نعرف التجار ونعرف التجاره = ولاطمع في حق غيره راعي اليمنى الطليقه

قادح شرار

الجذع يا ربعنا هوّن بعد ما شب ناره = ما لقي فالطرقة ألا شئ يحرق وسط ريقه
وش نسوي بعد ما تالد عقب كانت بكاره = كل والد يالجماعة مالها غير السليقه

سلطان الجـذع

يالغليم ياعسى نفسك من الدنيا مجاره = اجوديٍ مانبا ناقف على الدرب ونعيقه
ياحليلك ياحليلك فيك شئ من الشطاره = كان ماتقدر على الطاروق دورّ لك طريقة

قادح شرار

أدري إنك مبتلش والفرد ضيعتوا عياره = والبضاعة اللي بسوقك يالجذع صارت عتيقه
أنت يا سلطان سرجك رابطه فوق الحماره = بعد ذاق الضربة أوحينا صياحه مع نعيقه