الهيـــــــــــــلا *** منتدى قبيلة عتيبة
صفحة 3 من 4 12 3 4
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   ولا ياليلة القمرآآآآ مدام ان القمر وضاح ..!!! (http://www.otaibah.net/m/showthread.php?t=74580)

عبدالله حبيٌب الزراقي 19-Jul-2008 10:07 PM
عبدالله الجذع

حي هالطله شرفت ونورت وصح بدنك يالغالي

معجب العتيبي

تسلم يمينك لاعدمناك شرفت ونورت وصح بدنك يابو سلطان

ناصر الجلاه

حي هالطله شرفت ونورت وصح بدنك يالغالي

مرجح الميزان 19-Jul-2008 10:16 PM
تبا تزرع .. تبا تحصد سنه يا حضرة الفلاح..!!=وديتها ثلاث قروش في مخباك مصروره..!!
أثر بعض العرب سده على كل الملا بياح=ولا يالله عسى ذنوبي نهار العرض مغفوره

عبدالله حبيٌب الزراقي 19-Jul-2008 10:38 PM
ههههه الله يكفينا شرك


ثلاث اقروش تغني عن كفوف ٍ بالعطايا اشحاح = وانا من فضل ربي ماشكيت الوقت ودهوره
ولا يامرجح الميزان مدام القلوب اصحاح = طبيعي كل واحد يضرب الثاني بباكوره

مرجح الميزان 19-Jul-2008 10:48 PM
أحسب انك قبل هذي سواة الطير فالملواح=وأثر مخلابك الراهي يدوب يصيد عصفوره
ابن رزاق من عيني بعد بعض السوالف طاح=وعسى الباكور يالهيلا ..يدقر وسط حنجوره..!!

عبدالله حبيٌب الزراقي 19-Jul-2008 11:12 PM
الا ياطيب ريح الورد فاح بعطره الفواح = تشيل الورد مار الخشم عيا يروٌح عطوره
تذكرني ببو حافظ يغني (فاالبلد سواح ) = ذبحك الشك هذي سالفه ماهي بفزوره

مرجح الميزان 19-Jul-2008 11:14 PM
:)



عبدالله صح لسانك .. تشرفت بمجاراتك والله لا يهينك




,,

عبدالله حبيٌب الزراقي 19-Jul-2008 11:16 PM
ههههه عزالله انك مبدع واللعب معاك يحتاج لياقه وحضور ذهني كامل

لي الشرف ياطويل العمر وصح بدنك الله لايهينك

معجب العتيبي 20-Jul-2008 01:17 AM
مرجح الميزان

ولا ياليلة القمرا .. مدام ان القمر وضاح=بسلم وأرمي الغتره ..وابا آخذ للقمر صوره..!!
صويب القلب ما يهجع مع العالم ولا يرتاح=وابن زراق لا منه قرب نسري على نوره


عبدالله حبيٌب الزراقي

ولا ياليلة القمرا ترا نور القمر فضٌاح = ترا نور القمر فضٌاح مار النفس مجبوره
ابن زراق يزرق ياطويل العمر زرق رماح = تبا ترتاح مثل الناس والاوضاع مستوره


مرجح الميزان

أجل سج القدم وأسهج على البيدا وحط وشاح=ولا همك لو ان الناس تنظر فيك مقهوره
وحياتك في يمين اللي تلوى له خرز مسباح=نصيحه لا تزعل صاحبك وتصير منثوره..!!


عبدالله حبيٌب الزراقي

انا ماشي طريقي والله الي يحفظ الارواح = نبا خوٌتك وانته صاحب ٍ يابعد منظوره
ولا ياراعي الاقفال عندي للقفل مفتاح = انا مكسر مفتاحي لو الاقفال مكسوره


مرجح الميزان

طبيعي كل واحد وده انه يكسب الامداح=ولكن المدايح دونها ضلعين مشهوره
ولا يا صفحة التاريخ قولي للعرب : سباح=زعل منه البحر وأغرق هدير الموج بابوره..!!


عبدالله حبيٌب الزراقي

زرعنا الخوخ والرمان والليمون والتفاح = ونحصدها على طول السنه والارض معموره
تبيع وتشتري ياصاحبي وانته قليل ارباح = وابن زراق لو يزعل ترا مايخلف شعوره


مرجح الميزان

تبا تزرع .. تبا تحصد سنه يا حضرة الفلاح..!!=وديتها ثلاث قروش في مخباك مصروره..!!
أثر بعض العرب سده على كل الملا بياح=ولا يالله عسى ذنوبي نهار العرض مغفوره


عبدالله حبيٌب الزراقي

ثلاث اقروش تغني عن كفوف ٍ بالعطايا اشحاح = وانا من فضل ربي ماشكيت الوقت ودهوره
ولا يامرجح الميزان مدام ان القلوب اصحاح = طبيعي كل واحد يضرب الثاني بباكوره


مرجح الميزان

أحسب انك قبل هذي سواة الطير فالملواح=وأثر مخلابك الراهي يدوب يصيد عصفوره
ابن رزاق من عيني بعد بعض السوالف طاح=وعسى الباكور يالهيلا ..يدقر وسط حنجوره..!!


عبدالله حبيٌب الزراقي

الا ياطيب ريح الورد فاح بعطره الفواح = تشيل الورد مار الخشم عيا يروٌح عطوره
تذكرني ببو حافظ يغني (فاالبلد سواح ) = ذبحك الشك هذي سالفه ماهي بفزوره

معجب العتيبي 20-Jul-2008 01:20 AM
وربي ابدعتوا

وازداد اعجابي واستفدت مما تابعت وقرأت


شكرا لكما


وصحة السنتكم

بدر الكريزي 20-Jul-2008 10:44 AM

""

مرجح الميزان × عبدالله ..

صحت ألسنتكم يالمبدعين ..

والله ودني اني متابع معكم من البداية لكن خيرها بغيرها ..

""


الساعة الآن »06:29 AM.
صفحة 3 من 4 12 3 4
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd