لاوصل موضوعكم يا اصحابنا حكم العداله=يقسم الميراث مابين اليتامى بالنصيفه
نعرف ان الحلم حق ولانعرف انه ظلاله=وانت كم يسريبك الجاثوم من فوق القطيفه

مرجح الميزان

بعد ما أعلن سامي الجابر عن اللعب اعتزاله=كل يوم"ن" جاينا زيدي يقول انه خليفه..!!
مار ما للزيدي ألا قعدةٍ وسط البقاله =غيرها يا قوم ماله فالبلد أية وظيفه

معجب العتيبي

سامي الجابر بعدما شيّب ونوّخ جماله=قالوا العذال خلاّها بعد صارت كليفه
ليش حكم الظلم يارجال والدعوا جماله=ماجلس فالكرسي الا واحدٍ قد الوظيفه

مرجح الميزان

كل لاعب في زمانه من تحت فية ظلاله=ولو يجازا بالنصيفه .. ما يجازي بالنصيفه
والله انا ما نداني فالوطن ظلم العماله=مسلمين وديننا وصى على الناس الضعيفه..!!

معجب العتيبي

كل نجم يغيب يطلع فالسماء نجمٍ بداله=والرعد حنان والبراق يعجبنا رفيفه
(نشرب الفنجال يابو زيد ونكب البياله)=صاحبك يمشي بكيفه والعرب كلٍ بكيفه

مرجح الميزان

التشابه فالاسامي ..والفعايل قول قاله=المقاطي : وش يجيب الشعب للروس المنيفه..؟!
ولا تقول انك على الزيدي مطلع لك كفاله=ثم تصبح صاحب الشيعي وتمسي في قطيفه..

معجب العتيبي

من يمينك في يمينه من شمالك في شماله=والعلوم تبين بكره يالمقاطي فالصحيفه
بين مفهوم العداله والمحبه والزماله=وش نسوي بالرديف اللي تبرا من رديفه

مرجح الميزان

صاحبك يا صاحبي فالمعرفه ما هو بداله=ولا يخامس باليمين.. ألا هل اليمنى النظيفه
ولو يقول أنه تحلم ..!! قول له كب الجهاله=ما يصدق بالحلوم ألا الرياجيل الخفيفه..!!

معجب العتيبي

لاوصل موضوعكم يا اصحابنا حكم العداله=يقسم الميراث مابين اليتامى بالنصيفه
نعرف ان الحلم حق ولانعرف انه ظلاله=وانت كم يسريبك الجاثوم من فوق القطيفه