نجّار وأبلش عباد الله بمنشاره = ماهو بعير ٍ يشيل احمول وأثقالي
من كان دراه قزاز .. يفطن على داره = ويحــذر حصـاة ٍ تـجي من كل نبّالي .

المشاركة الأصلية كتبت بواسطة وافي الخماش (المشاركة 682690) ههههههههههه طاروق حماسي صح السنتكم واصلوا ..

المشاركة الأصلية كتبت بواسطة قادح شرار (المشاركة 682701) يا هلا ويا مرحبا مليووووون ولا يكفووون . أول مرة أبو الوفاء يزور محاورة لي . :) . نوّرت الصفحة وعقبال ما نشوفك دايم الدوم . مشكوووووووور على مرورك طال عمرك .

قادح.. شرار.. العتيبي.. ماسك الطاره..!! = ويمتـر المنتـدى ..والمنتـدى خـالـي
قلت آتجمل معه ..وأنشـد عـن أخبـاره = يمكـن يجينـا بعلـم يـشـرح البـالـي

قادح..شرار..العتيبي..مهجّد الحاره = دوك الخبر جاك واضح يا بعد حالي
يمكن يجاملك قادح يرخـي فنـاره = من شان يحفظ حلالك بين الأموالي

يابو شوارب نعرفك معك صفـاره = في حارتك كل ليله تطرد الفالي.. !!
لكن صيدتك سهله ,,والخبر شـاره = ثنتين من محزمي تسدحك طوالـي

راع الموازين يمشي .. راكب حماره = ويظن نفسه علـى الميـدان خيّالـي
وسلاحه اللي معه .. مهسوس معياره = ليته يروّح ويرعى فالخـلا الخالـي

ياعنك لا مـن نـوى صاحبـك مشـواره = ما هو مخلي في رجلك قيد وحبالي..!! <<<
رميـت لـك فالبحـر طـعـم وسـنـاره = جيت متهور نسيـت المـر.. والحالـي..

الطير ينقر حصاه ..بـراس منقـاره = والله زمن شين .. كثرت فيه الأهوالي
لا تعترض دربي ..وتدعسك سيّـاره = وحمارك اللي معك سرجه ترى مالـي

الله يـا تالـي الأيــام غــداره = كل "ن" يبا يشتري ويبيع بالغالي..!!
لا تزعل اللي غلاك مصدع جـداره = وتطيح وأنته معه في منـزل عالـي

نجّار وأبلـش عبـاد الله بمنشـاره = ماهو بعير ٍ يشيل احمـول وأثقالـي
من كان دراه قزاز .. يفطن على داره = ويحذر حصاة ٍ تجي من كل نبّالـي .