الله حسيب اللي عطاك العلم ذا والله حسيب= حنا رجال ٍ مابهم رديان والساري سرا
لابالله الا وايلي معروف والخايب يخيب = اللي علومه مالها برهان والساري سرا

مرضك مزمن ياقليل المعرفه ماله طبيب=وصورتك تشبه صورة الشيطان والساري سرا
خاو الذيابه كان ذيب وجاوب الصوت بقنيب=ياوايلي من منطقة وهران والساري سرا

الا انت يامرزوق قبل اخذ معك واعطي واجيب=جعلك معرب صافي الجدان والساري سرا
انا حليم ولاغضبت اغضب على الوجه الغضيب= ياجاهل التاريخ والازمان والساري سرا

غلطت فسمي ميراناعتيبين معرب عريب=وجدي حميد وجدي ربيعان والساري سرا
ولا انت جدك ضيعوه وراح ماشيف الذهيب=خلوه مرزح في حدا المرحان والساري سرا

مدامك عتيبي عسى الله يشفي الجرح العطيب= اسلم وسلم لي على الشيبان والساري سرا
هرجك ملخبط فيه شك وفيه ريب وفيه عيب = والكذب ماينفعك ياكذبان والساري سرا

تبا تغطس عيونك الثنتين ورموشك تشيب=ومن طاري الهيلا يجيك جنان والساري سرا
برقا وروق اسمين يهتف بسمها الشعب الرهيب=عتبان من عتبان ياتعبان والساري سرا

شكلك مكثر فالعشا واعطوك من عقبه حليب=ولاحت لك حلوم ٍ بكل الوان والساري سرا
الوضع باقي طاب لك هالوضع والا لايطيب= لاضقت نطح راسك الجدران والساري سرا