ثابـت الســيسـان مـايـنـهـد بابه=والــهـذيـلي يا حـلـيله ياحـليله
علمنا علم الوفـاواحسب حسابه= يا الهــذيلي لاتـدور للفـشيله

ياسلام الله علاكم ياشبابه =من هذيل اهل التواريخ الاصيله
جيت افكّر فالبقوم وفي عتابه= ياحليلك يالبيوت اللي ظليله

مرحبا بااللي لفانـا مرحبـا بـه=في حلال أهل الكرم وأهل الجميله
فكر وقرر وعجـل بـا الاجابـه=والاجابه هاتها باحسـن وسيلـه

البقا ياهل النقا واهل الرحابه=من يعرف هذيل ماضيّع دليله
يمكن الالوان والاسما تشابه=مار كيف شعيل يشتال الثقيلة

الرجال أهل المهابه والحزابه=فعلهم ومجادهم ماهي قليلـه
التشابه وارد والابه غرابـه=والجمل زومان حمله مرتكيله

مايحكم بلادنا نايد ترابه =ماحكمها غير نار(ن) من فتيلة
كيف صرتو تحت حكم وفي رقابه=وانتم اللي من طحاطيح القبيلة

الذيابه فعلهم قـدم الذيابـه=والله اللي عزنا راع المخيله
الكلام اللي تقوله من حكابه=عزتي للي يشيل في صميله

كل شي مدوّنينه في كتابه= والعتيبي ياعرب ضيّع حصيله
علمكم ياصاحبي كلن درابه=عزتي للي توهّق عزتيله

ثابت السيسان ماينهـد بابـه=والهذيلي يا حليلـه ياحليلـه
علمنا علم الوفاواحسب حسابه=يا الهذيلي لاتـدور للفشيلـه