وقتك هذا يالعازمي نعمه مغطيها الامن=ومن الترف صار المسافر مايشيل الامتعه
ضلع البقوم اسمه حضن وأن كان ماتعرف حضن=النير ثابت في محله من يفكر يقلعه

اقض الحياه الباقيه بين التمشّي فالوطن = أهوَن عليك الضيق والا اتعيش عمرك في سعه
مايرتكي للحمله اللي وزنها عشرين طن = الا البعير اشعيل عان الزمل كله يتبعه

العام كان القبع الاسم اللي مامثله فالمدن=واليوم مابه عازمي ماهوب لابس قبعه
اشعيل يمكن يختلف لو زودو حمله وزن=الطبع الاول مايكبه وانت حاول طبعه

العازمي

المنتدى نوره سطع من عقب ماشرّف زبن = يامرحبا عداد ماخطّت سلوك المطبعه
شاعر قديم وفالمواقف مايعادلّه ثمن = عشرين عام وزبن ثابت ماتغيّر موقعه

زبن القاضي

المنتدى بالعازمي ولا البحر فيه السفن=دام البقاء يامكثر الترحيب لو مانسمعه
صوت الحصان صهيل فالميدان لاشاف الحصن=لو ماعرف انك عازمي قلنا من اهل المجمعه

العازمي

حنّا سمعنا انّك تحاول تستفر بن اليمن = لكن راع البن مايبغا لغيره منفعه
بعد العنا خلف الكتايب ليه نوّخت الضعن = ياليت ورث العود بين اعيال جدّه وزّعه

زبن القاضي

لاتستمع في ملحن الموال يغويك اللحن=والخير للي يفعله والشر للي يزرعه
ديس المنيحه شح مافيها حليب ولا لبن=ودنيا الشقاء يالعازمي ماعاد فيها مطمعه

العازمي

لو السلع واثمانها ماترتفع عبر الزمن = شفت القوارب فالبحر يازبن من دون أشرعه
العد يرو الضاميات اللي على العد اوردن = لكن لن ماطاعك الوقت الغبر بالله طعه

زبن القاضي

وقتك هذا يالعازمي نعمه مغطيها الامن=ومن الترف صار المسافر مايشيل الامتعه
ضلع البقوم اسمه حضن وأن كان ماتعرف حضن=النير ثابت في محله من يفكر يقلعه

العازمي

اقض الحياه الباقيه بين التمشّي فالوطن = أهوَن عليك الضيق والا اتعيش عمرك في سعه
مايرتكي للحمله اللي وزنها عشرين طن = الا البعير اشعيل عان الزمل كله يتبعه

زبن القاضي

العام كان القبع الاسم اللي مامثله فالمدن=واليوم مابه عازمي ماهوب لابس قبعه
اشعيل يمكن يختلف لو زودو حمله وزن=الطبع الاول مايكبه وانت حاول طبعه