ياسرع ماتنحرف عن علمك اللي جبت ياغلام = اعماك عن ماقفك من يمّنا خشم الريالي
يالشاعر اللي صنعك الوقت مدري صنع الاعلام = اظن مالك وجود اليا صفا جالك وجالي

يا سرع ما تنشنق فالمشنقه سوات صدّام=و تروح رجلاك تلعب فالهوى .... ياهملالي
أنا كما الفارس اللي في نهار الحرب مقدام=سوات عنتر و ابن غانم و ابو زيد الهلالي

لن كان من موت صدام العرب بالحيل منضام = تعال واعوّضك فالطاغيه باصغر عيالي
اتعبت نفسك بكثر المدح وانته ضمن الاقزام = ماقلتها ,, قالها الاقصى قبل قول الموالي

الكلمه الضايعه تطير مع ذعذاع الانسام=تطير معها ليا هبّت صبا و لاّ عوالي
لا تشمت الفالح اللي للعدا سطّام لطّام=ما غير أجاملك ولاّ أنته معي مالك مجالي

الكلمه المبهمه تفسيرها تفسير الاحلام = واللي طرالك يابن ثعلي ترى ماقد طرالي
صحيح خصمك من العدوان دايم يلجم الجام = لكن لامن حضرت اتقول ياليتك بدالي