تعال يامرزوق ابا اقول الك شي فالضمير=شيِ يدور بخاطري حقِ علي وحق الي
يوم اني اقول لك وش عندي بحكم انك مدير=تعرف حدود الناس لاتدخل جهينه مع بلي

الامر عادي هات ماعندك يصير اللي يصير = مادام لك حق ..ولغيرك ..هان حل المشكلي
حنا نفرق بين من يجهل ومن بين الخبير = كل ٍ وله نظره يابو تركي ولكن قول لي

من دافع الاخلاص والتقدير والقدر الكبير=ود اني اقول الك يابو زيد والا وش علي
بوابة القصر الكبير بهيبته بلا خفير=لاتدخل المجنون والعاقل تلقيه الخلي

قال المثل ماياصل الما واحد ٍ حبله قصير = واللي معه حبل ٍ طويل اليا ورد ماح الدلي
بوابة القصر الكبير بخير والدنيا بخير = وانشانت الدعوى معي سيف ابن ابو طالب علي

هذا مثل وانته تجاهلت المثل والوضع غير=اسمع كلامي وافهمه ياصاحبي فيما يلي
لاتنتضر وقتِ يحدك للملامه فالاخير=رز العلم فاطول جبل للناس والمخرج ملي

انت متهور يالعتيبي راح من حطك شوير = وانا معي عقل ٍ يمشيني مع النور الجلي
وش تاتسوي وانت حولك ناس واقعهم مرير = نار المشاكل عانها بين القرابه تصطلي