المشاركة الأصلية كتبت بواسطة بدر المطيري (المشاركة 626822) الأخ معجب انتظرتك اكثر من الموعد المحدد شكراً لك وشكرأللجميع

بدر المطيري

ليه ياصحابنا العتبان.تستنكرون=المطاري وحنا كلبونا اقصرا
او ماهم منكم اللي من بدر يزعلون=كيف اميزك ياطيبه من ام القرى

معجب العتيبي

لاتبعّدك يابدر المطيري ضنون=وابعد ابليس كانه في ضميرك طرا
العرب ياوسيع المعرفه ينضرون=وانت الك قلب يفهم وانت عينك ترا

بدر المطيري

مانعم الرجال اللي تسد الديون=ندري ان الرجال الها بيوت وذرا
مار اشوف الغضب ياصاحبي بالعيون= عند بعض الوجيه اللي تحب الزرا

معجب العتيبي

دام تعرف وغير يابدر يعرفون=انتبه للديون اللي زمنها سرا
يابدر كان في بعض المواقف تمون=علم اللي جهل واحذر من اللي درا

بدر المطيري

مانشدنا عن الماضي ولايحزنون=النظر للحدود وش عليها جرا
لو خلاف الصحابه شق خضر الغصون=كان يطرد من الاسلام كل افترا

معجب العتيبي

كل حاظر بلا ماضي يزيد الطعون=لكن القصد ذكر اللي مضى للبرا
يختلف عالم الذره وراع الفنون=كل واحد على مذهب ومله ترا

لو هرجنا عن الماضي بمهما يكون=واقع الحاضر ابدأ ابيع وألا شرا
كل شيء ٍ على العاقل يامعجب يهون=غير جهل الرجل شيء ٍ صعب ينقرأ

اهرج اهرج عن الحاظر بزين اللحون=واترك الماضي ان كانه يبا يسترا
صاحبي فكر بعقلك وخل السنون=فكر صاحبك راقي مارجع للورا

المشاركة الأصلية كتبت بواسطة معجب العتيبي (المشاركة 627053) اهرج اهرج عن الحاظر بزين اللحون=واترك الماضي ان كانه يبا يسترا صاحبي فكر بعقلك وخل السنون=فكر صاحبك راقي مارجع للورا

اكثر الناس من ما شاف مات امغبون=والعصابه بماجاب الله ألك اخشرا
لاتحسب انهم ياصاحبي يمزحون=الحركات هذي ناس. فيها اخبرا