الهيـــــــــــــلا *** منتدى قبيلة عتيبة
صفحة 3 من 3 12 3
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   الدويش يسعد مساك (http://www.otaibah.net/m/showthread.php?t=66095)

معجب العتيبي 24-Mar-2008 12:58 AM
البحر مايقارن في ظفاف الغدير=ياصغيرن عيونك زايدن شيبها
من تعوّد على التجوال وده يطير=بس ماضنتي يسلم عواقيبها

الدويش 24-Mar-2008 01:00 AM
صح لسانك وشكرا لك:)

معجب العتيبي 24-Mar-2008 01:01 AM
معجب العتيبي

مرحبا مرحبا ترحيب صاف الضمير=من هجوسٍ هل المعنى تغنيبها
يالدويش اقرب اقرب يامراسل مطير=الحمول الثقيله كيف تسريبها


الدويش

البقاء بك يامعجب ياوكيل المدير=عقربِ عن ظهرها يقرص ذنيبها
هات حملك تراني للثقيله بعير=قدم رجلاي تاطاكم عراقيبها


معجب العتيبي

ياوسيع المداخل جيت دربٍ خطير=والمصيبه على نفسك تتحريبها
ادري ان الحمل ماهز ظهر الحمير=وانت رجلك على ظهرك وتمشيبها


الدويش

ياصغير المداخل نحفرك حفر بير=لين كلٍ جبا بيرك يدلي بها
دام هذي علومك صدق مافيك خير=عنز ماضرني في الوقت تطريبها


معجب العتيبي

تعترف بالحقايق عقب مص العصير=ومن حمل حملته لابد يضويبها
ليتك من الرجال احظرت واحد شوير=قبل كلمتك يالمطفوق تبديبها


الدويش

خابرك برتكانه شكلها مستدير=فيك حد القديمي زان تجريبها
دام انا ضيف زاير عند شعب البشير=ماعلية من الكلمةومن عيبها


معجب العتيبي

ام قرنين غير وطبعها صار غير=قامت تلف تبحث عن مضاريبها
دايما ضيف ماجبت الجديد المثير=السفر صارلك مهنه وتدريبها


الدويش

يالعتيبي تحنحن لاتخوّر خوير=زدت ربعك غبينه وانفرى جيبها
دايماّ ضيف واطيبكم يامعجب ينير=والزم لحيتّك واقصقص شنيبها


معجب العتيبي

البحر مايقارن في ظفاف الغدير=ياصغيرن عيونك زايدن شيبها
من تعوّد على التجوال وده يطير=بس ماضنتي يسلم عواقيبها

معجب العتيبي 24-Mar-2008 01:04 AM
الدويش تأكد ان بدايتي الهدف منها الاستفاده وكان المسار مختلف

بس مدري علامك طفيت النور ووديتنا دربن ثاني ههههههههههههه

عالعموم شكرا ياغالي

ووجودك بين اخوانك مطلوب

شكرا

معجب العتيبي 24-Mar-2008 01:06 AM
اقتباس:
المشاركة الأصلية كتبت بواسطة زبن الدخيل (المشاركة 599783)
دايما ضيف ماجبت الجديد المثير
السفر صارلك مهنه وتدريبهـا

يااااااااااأخوي وش خليت النا من الأبداع
هذاااااااااااااا كله صح لساااانك ولسان
قبيلك وازهل الصف

:)
استاذي زبن الدخيل
شكرا على الاطراء والحظور ياغالي

الدويش 24-Mar-2008 01:07 AM
حنا في 15 الشهر والليل قمرا مايبالها نور
ويكفي نور القمر والاستفادة حصلت بكل تاكيد:)
شكرا لك على تواضعك وحسن اخلاقك


الساعة الآن »10:44 AM.
صفحة 3 من 3 12 3
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd