ناصر الجلاه

سلام الله سلامٍ في تصاميمه وتركيبه=كما تصميم شاعر ينظم البدعه ويبنيها
ألا ياكبتن عتيبه كفو ياكبتن عتيبه=ولكن فعلتك هاذي على غير تمشيها

كبتن عتيبه

هلا يامرحبا ياصاحبي مليون ترحيبه=تراحيباً تقول:-الطيبين الله يحيّيها!!
من أول يالعصيمي ماتعرف الشكّ والريبه=وها الايام لا اوحيت الك كلمه..قلت:- وش فيها؟!!

ناصر الجلاه

يدوم ألك البقا يالشاعر اللي من هناديبه=تقول أنه يبى يشيل الجبال لايوطيها
زمانٍ فات والحاضر معادينا طلع شيبه=ولكن الثبيتي يطبخ الصيده ويشويها

كبتن عتيبه

لو القى لي جمل ..واكبر جبل يقدر يزوزيبه=ابا احمل بعيري بالجبال اللّي مادانيها!!
ياناصر لابلاك الله بجنّي وش تسويبه=عساك بجنيٍ يزهم بني عمّك باساميها!!

تقوله من شجاعة قلب وألا هم ومصيبه=هذا الرجال سوى حاجةٍ ماحدٍ مسويها
قبل لايبتلينا خل من جابه يماريبه=عساها فوق راسك دعوتك ياللي تضويها

ليا جاء ضيف لعتيبه تراكم من معازيبه=هذا قانون ساير فأول الدنيا وتاليها!!
وأنا ماني رفيق ..اللّّي يشيل الداب في جيبه=رفيق اللَّي يدوسون الافاعي..صاخ طاريها!!

ترى علمك هذا معروف نعمل به ونحكيبه=ولكن مشكله لاصار حاميها حراميها
وأنا من فضل ربي من رجال العز والهيبه=رجالٍ تكسب الجزله وتبذلها وتعطيها

بدل ماتشكرون اللي مكمّل في مواجيبه=دخلكم شكَّ حتى فالخروف اللي مذكيَّها!!
ولا ياربعي العتبان ناصر.. طوّل الغيبه=وجاب علوم ..ليته مير في صدره مخليّها!!

ابى اضربلك مثل مكه تراها نفسها طيبه=ألا ليت الثبيتي هرجته ماعاد يثنيها
ليا حضر العصيمي راس ماله من مكاسيبه=لزوم يبين الحجه بعد مابان راعيها

مثلك اللي تقوله.. صح ..كل الناس تدريبه=وواشنطن وأهلها ..فرق عن مكّه وأهاليها!!
لي حصلت لك ورعاً حول ..لـ ثبيت لا تجيبه=تعيّن له عرب عوران.. يطلع من بنيخيها!!