يامرحبا ترحيبة المسك والعود=ترحيبةن بسعود يامرحبابه
اعداد ماتقطف رياحين وورود=واعداد نو ٍ صادق ٍ من سحابه
نفرح ونستانس ليا صرت موجود=وبقلوبنا كل الوفا والرحابه
يامرحبا مليون مليون وتزود=ترحيبة ٍ في سيدي مرحبابه

ياطير ياللي ناوي ٍ للسفر قف=عندي رساله وأنت قد الرسايل
أصبر شويه بعد الأذن وتلطف=حتى أكملها بيوت ٍ جزايل
طابورها أبيات ٍ على قافية اف=تربط برجلك لين تصبح عقايل
ثم ضم رجلينك على الصدر بالصف=وجهتك غرب ٍ يم روس الطوايل
أرجوك تتعب لجلها لاتأفف=وأكفخ بجنحانك لدار الحمايل
وإليا وصلت كلاخ هل المزرف=ثم صح لألاد سنان والعرف دايل
امزرف ٍ بأشواق قلبي امشطف=فيه الغلا للكل والشك زايل
وصل سلامي للجميع وتصرف=مستخدم ٍ كل الطرق والوسايل