قالوا لنا سالفه وتخصكم يامدير=هو صدق شاة ابن وايل تحتمي ذيبها
ابعيرنا فالحجاز ونجد يهدر هدير=يامخاشر الترك والضيعات وازيبها

قالوا لنا في سالفه فيكم تراها يامدير= شاة ابن وايل تحتمي وقت اللقا عن ذيبها
بعيرنا فأرض الحجاز ونجد تسمعله هدير=وأنته مع التراك وسط اديارهم وازيبها

ياكثر من يهرج وراع الهرج ماهو مستخير = لكنّ ابن وايل علومه مانته بداري بها
الشمس من فوقك وخلك فالخفاره ياخفير=والترك جو فبيوتكم وفعولهم نوحي بها

احسن من اللي يتقي وانا اعرفه نفاخ كير= لاواخسارتها تدور خير ترجي صيبها
ابيوتنا مادنست من يوم ماصاح النذير=وانته تلبسها الخلاخل خوف أله وتجيبها

مانتقي وافعالنا تاريخها مبطي شهير=وانت جلاه اجلوك عن ديرتك ماتمشي بها
حنا كسرناهم ولاربحو لو بحة شعير=وعلومهم معكم بكل الكتب انا قاري بها

اعرف جميع افعالكم راعي حجر طقاق زير=فعولكم في وقتنا الحالي وفي ماضيبها
عرضتهم حيد النفود وقمت تهدم كل بير=هاذي مراجل عزوتك ندلها بدريبها

الزير فالطايف لكم ياللي تلف وتستدير =مار البس الوزرة وخذ شبريتك واومي بها
حنا نسيطر مايذللنا صغير ولاكبير= شايبك جاب السالفه عوجا وهو كامي بها