المشاركة الأصلية كتبت بواسطة ابومشعاب (المشاركة 525739) الله الله الله لله دركم ياشعاااار .. ابداع على اصوله وااصلوا لكي نستفيد منكم ..

المشاركة الأصلية كتبت بواسطة مقعد الدغيلبي (المشاركة 525761) خابرين الفارس المغوار من كره وفـرّه مار صيته ما يديراله الرشا فوق المحالي 00 ايه ايه يالبواردي مايقدره الا انت يالذيب عليك بالمجرم ههههههههه صح لساانك وازهل الصف تحيااتي للجمييع

البعير الهرش بين هرش ..ماداعي نفره =والله اعلم مايفرق فالحرام وفالحلالي
من خطاويه الثقيله ماش دارٍ مستقره =لايكل ولايمل ولايحس ولايبالي

في قفا خير القضاء ياهل النضا تلقون شره=والاجابة نصها مذكور في فهم السوالي
راجع الكراس واللي طاف قدمك لا تغره=المطر يضرب وعان السيل ياسلطان سالي

احمد الله يالعتيبي مستريحٍ وسط حره =ماضواك الليل الاظلم فالطويل من الجبالي
مادخلنا وسط قلبك لاجل نعرف ويش سره =الدليله جرة الخيال حماي التوالي

العتيبي يالعتيبي غاص بحر وجاب دره=وانت مثل البدر في تال الشهر يرجع هلالي
اللبيب اليا سمع صوت الرمي يعرف مقره=والهواوي فاتحً صدره لذعذاع الشمالي

انت غواص البحر والدار خيره وسط بره =بين بن غانم ذياب وبين ابو زيد الهلالي
صوت في كل اتجاه !! وسامعه 20مره =والله اعلم حرفنه شاعر ذكي والا خبالي

بين مضمار الخيول وبين صالات الاسرّه=فرق مثل الشمس ما يحتاج له شك وجدالي
لو حسبت حساب جور الوقت في برده وحره=ما بنيت البيت يابوزيد فالطعس الهيالي