|
بزر والله العظيم
الله لا يهينك |
الحمدلله على نعمة العقل حركات طفل ماربوه اهله
واضح ان الحفله عند مطران وهالبزر بيضحك اللي حوله من ربعه وهم مبسوطين ويضحكون لا احترام لا لضيف ولاتحشيم لهذا التراث الذي افسده هذا البزر والشرهه على اللي يلعبون معه ويدعونه لحفلاتهم ولاغرابه في تجاهل الشاعر الكبير محمد ابن طمحي لحركات هذا البزر فالعاقل والذي يثمن هذا التراث الشعبي لايلتفت لمايفعله الاطفال |
بسم الله الرحمن الرحيم
ياخواني وش فيكم !!!!!!!!! يادافع البلاء .. نقركم من نقر الرجال !! تركي سوا وتركي فعل .. فيه امور للمناقشه والاخذ والعطاء في المنتدي اهم من شطائح الامور وعثرات الناس . الواحد يكبر نفسه ويتعالي من سفاسف الامور فالكامل وجه الله.. من يتابع منتدي الهيلا يقول هناك حرب بارده بيننا وبين مطير وتركي 2000 خاصه !! فالوضع والله طال وسمج .. اتركوا الرجال وشانه يامال الشحم ............(( راس بليا احساس تري نقله صعيب000 مثل القلم ماينفع الي بحبره ))((والعظم لامنه فسد مخه يعيب 000 كسره يساوي عند راعيه جبره)) تقبلوا خالص تحياتي أخوكم الهيلوم 1383 |
عادي شي طبيعي ما يسوي ها الحركات من شخص اللا اخر الا هو يموون عليه مكبررين السالفه يالربع فظيحه دفعه وحدهـ الله يهديكم |
يالربع انا امون على واحد منكم ابا اجيه قدام ابوه وعمانه والمجلس مليان وابا انغزه في بطنه مثلا او اجر غترته بله ابوه وعمانه وش بيقولون يبا يقولون الرجال يتهزا بك وانت ساكت ولا بيقولون يا الدقسه الرجال ما هو شايفك شي ولا بيقولون انت رجال وخويك يمزح معك ؟ جاوبوني يللي تقولون مافيها شي |
المقطع ما يطلع من مجرد واحد يمزح مع خويه ولا يفسر تفسير ثاني . واقولك يابو فايح ولغيرك الرسول اللهم صلي وسلم عليه قال : “أتدرون ما الغيبة؟ قالوا: الله ورسوله أعلم”، قال: “ذكرك أخاك بما يكره” قيل: أرأيت إن كان في أخي ما أقول؟ قال: “إن كان فيه ما تقول فقد اغتبته وإن لم يكن فيه ماتقول فقد بهته” ذكره مسلم فنصيحة لك ولغيرك ترفعوا عن هالأمور اللي ما منها فايدة بل هي وبال وخسران عليه . تقبل مروري . |
عليه الحرام ان بعد حركت هذي انه ورع وبهيمه بالله واحد قدام الناس يسوي الحركه هذي الورعان يستحون يسون هذي الحركات قدام الرجيل مقول الا اخس يا البوه
|
الحمد لله على نعمة العقل ..
يا الربع لاتشرهون علاه هذا تركي 2000 |
اقتباس:
|
اولا السلام عليكم
ثانيا : هذي من اساليب هز الخصم فقد اختار شاعر الوطن تركي المطيري هذه الطريقه لهز الشاعر المقابل وهو بن طمحي وقد اجاد تركي الاستهزاء به 0 حتى لو تلاحظون المقطع في اخر شي لخبط بن طمحي وهذه الحركـــــــــــــه اقسم بالله مايسويها الا اللي فاهم وعارف شعر المحاوره لان شعر المحاوره يعتمد اولا واخير على هز الخصم وهزيمته نفسيا وهذا مانجح فيه الشاعر الشاب الجماهيري تركي 2000 ارجوا من االاخوان تقبل رأيي واخذه بالعقل واقسم انكم راح تجدون كلامي في من الصحه الشي الكثير وشكرا |
| الساعة الآن »01:06 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd