الهيـــــــــــــلا *** منتدى قبيلة عتيبة - هنا ,,,رسالة تركي ألفين للجـــــــــــــلاوي

اقتباس:

المشاركة الأصلية كتبت بواسطة عوض الشيباني (المشاركة 394526)

لو اللة يشيل ملفي عن العتبان حنا بخير

ماغير يدور للفلوس من ورى تركي

ولو عندة حمية عتيبي مارد تقول خايف ان تركي ماعاد يلعب معة

وانا سامعة في مجلس يقول (فكونا من الجلاوي لا تعطونة فرصة)

وانا اشهد انة خايف من الجلاوي لايسحب تركي منة وقابلني ان لقيت احد يعزم ملفي

اخوي انت لاتتحدث في مجلس بيتكم

انت تحدث في شبكه يراها الجميـــــــــــــع

ورد ملفي في محله ,,وش تبيه يقول بالله

يقول ان الجلاوي على صح ,,,يااخي بدون مجاملات

كلنا نعي ونعرف ان الجلاوي نخطي ,,,

,,,,,,,,,,,,

الامر الثاني تقول لو الله يشيل ملفي عتيبه احسن

هل تعلم ان ملفي شاعر عتيبه فالوقت الحالي

وافضل شعاراءها عطاء واداء ...

هل تعلم ان احد المسيطرين على الملعبه في دول الخليج باكملها

هل تعلم ان اكثر شاعر ذاق منه تركي المرين هو ملفي

خذ عندك نماذج لابيات فقط

ليا عودت للصدق كم جاء وكم راح **احدرك مع وادي واسندك وادي

,,,,,

ابا اوردك ياتركي على اللي جمها قرهود **لكن ارفع يمينك يالمطيري لاتوسدها
والا يالذيب الاشهب لاعب الدخان والبارود **ترى صوتك هذاه اصحى عتيبه من مراقدها

,,,,,

والا يالشاعر الفنان هات الحان ود الحان **على ماقيل ياتركي صغير القوم خادمها
اقول المملكه بيت الشرف وعتيبه العمدان **لو انا نلزم النافر بهيبتنا نريمها

,,,,,

انت لاشاعر خناذف ولا شاعر مطير **والله انك في يديني سوات المسبحه
المواقف لاهلها وانت دلو وسط بير **هو يسدك موجز العلم والا نشرحه

,,,,,

واعتقد انك سمعت عن اللي محاوره عفيف الشهيره ,,التي جعلت الرياحي يقوم غاضب على ملفي ويقول

ياحليل المورقي شاعر عتابه **كنه الليله مسويها حميه

عزيزي/هذا نموذج لبعض ابيات ملفي في الالفين ..المليئه بالشعر

وغيرها الكثير والكثير في اشرطه الكاسيت ,,
ولكن هناك بعض الجمهور هداهم الله لايرديون الا المهايط

اقتباس:

المشاركة الأصلية كتبت بواسطة روح جاي (المشاركة 394565)

صدقت ياطويق المعنى واضح في الجلاوي بس ملفي رده ماكان قوي

وتركي لو فيه خير مايتكلم على الجلاوي وهو مو فيه. المفروض يطلبه

في محاوره ويرد على المقطع.

مشكور ياطويق

روح جاي

لاهنت على المرور وحياك الله

ابو زيد ,,,السناعيس

لاهنتوا على المرور

اقتباس:

المشاركة الأصلية كتبت بواسطة ولد عساف الجذع (المشاركة 394599)

ابو صاهد ما يبا احد يدافع عنه
ولعبه مع تركي يكفي
وملفي ؟؟؟ يا ملفي وش العلم
طويق تقول يمكن ما فهم المعنى
انت وانا فاهمين ان ملفي ما تخفاه هالعلوم ولكن مدري وش جاه

الجذع حياك الله ياولد عساف

تقول مدري وش جاء ملفي

والله ثم على الحرام ثم علي الطلاق :)

ان رد ملفي هو الرد الوافي اللي في محله

اقتباس:

المشاركة الأصلية كتبت بواسطة رعد الشيباني (المشاركة 394610)

يا ريجيل
ملفي شاعر كبير
لكن المجاملات مع
اخو عجرم ضيعته
علي الحرمه لو انه
يتسويه على علباه
ماعاد يغني طاروق واحد
وان ابن مشيب ابك ملفي
راعي مجاملات
يرفع الظغط
لكن الله يستر لا يجيب
العيد من المجاملات
اخووووووووكم
رعد الشيباني

رعد الشيباني حياك الله ووجهه نظرك نحترمها

اقتباس:

المشاركة الأصلية كتبت بواسطة شايع الهلالي (المشاركة 394670)

مشكور على الموضوع أخي العزيز

مشكور على المرور اخي العزيز

اقتباس:

المشاركة الأصلية كتبت بواسطة خوي السعد (المشاركة 394699)

واحد مايخص المورقي وش يبابه **من يدور لها يابن عطالله لقاها
الله يصبحكم بالخار
المعني بهالكلام 80% الجلاوي
والعشرين الباقيه انه واحد من القبيله
لكن يالربع وش تبون ملفي يقول ؟ تبونه يقول الجلاوي على الحق؟
او انكم يامطار تستحقون السب اعتقد ان رد ملفي كان رد دبلوماسي
ونيته الله اعلم بها ونلتمس له العذر في هذا لانه بلا شك كل انسان
عاقل يخاف الله لايشجع سب الاخرين والتعدي علاهم
بفاحش الكلام وانا هنا ما اخصص في كلامي احد هذا كلام عام واذا سلطان سب مطير فترى تركي قدسب عتابه وتهجم على كثير من القبايل .
من باب الانصاف تصرف ملفي اعتقد انه تصرف مقبول اذا رجعنا للعقل
ومايمليه الضمير . والدليل
انت علمك هذا ياصاحبي ويش جابه **لاتخل السيوف نسلها من خباها
يعني انت ياتركي وش تحرث له عن هالامور ؟ انتبه لاتخلينا نتعامل
معك بطريقه اخرى اشد قسوه .
هذا ما استنتجته من الابيات المذكوره وياليت نشوف المحاوره كامله
حتى ناخذ صوره شامله عن خلفيات الموضوع
ومشكور ياطويق على مواضيعك
القيمه .

حرامن من حزامي ان كلاااااااااااامك عين الصواب

لاهنت لاهنت لاهنت ياصديقي على المرو ر

شكرا للمشرف

نتمنى ان تكون المداخلات خاليه من التجريح وان لاتخرج عن اطار الهدف من كتابة الموضوع وهو تحليل الابيات ونقدها .

الاداره

اخوي طويق بله انت راضي عن محاورات ملفي مع تركي ياخي ملفي نعرفه شاعر كبير بس مع تركي حرام بالله انك ماودك تسمعله بيت واحد والسسب المجامل اللي ماله داعي وبعدين يوم تقول الجلاوي مخطي لا ماهو مخطي هاذي ملعبه وجاءه الرد والمفروض ما تقول مخطي مطير كلها صغيرها وكبيرها ما اعترفوا ان تركي اخطا قالوا هاذي ملعبه ولو فالشاعر المقابل خير رد عليه واعتقد ان الجلاوي معه حق شاعر من مطير يهايط ولا لقاء من يرد عليه قام الجلاوي واختلص من ولد عمه اما قولتك ان ملفي مصيطر على الساحه فاهذي بعيد عنه دام رشيد ومستور وحبيب موجودين وبعدين ملفي ممكن له ثلاثين محاوره هاذي الصيفيه عشرين منها مع تركي تقول ان رزق ملفي على تركي لعب مع حبيب وزيد يمكن خمس محاورات والباقيه مع تركي ياتركي انت وانت مجامل يجيب الضغط والسكر انا اريد ان اسالك ليه تركي ما يتهجم ويبدا يستفز عتيبه الا مع ملفي ليه ما سواها مع حبيب يوم قام يناتع ؟؟؟

فارجوك الله يرحم ابوك لا تحاول تقنعنا بشاعريه ملفي ام تركي لانني اعتقد وكثير من عتيبه يقولون ملفي مع تركي صفر على الشمال اما مع بقية الشعراء جبل ما تهزه ريح.