ماني أبعاذرك فـي تقفيـل جوالـك = لو قلت محرج من اقرابك على شاني
ولو قلت تبغـى تكلمنـي ولاجالـك = مقبل لك اعـذار لاللـول ولاالثانـي
كم لي وانا اسهر واعاني واتحرالـك = ابغى علـى شـان لاكلمـت تلقانـي
ولاهوب انا حت جوالي على ارسالك = مشتاق لك مثل شوقي لـك وولهانـي
وليا تذكـرت فاخـر يـوم موالـك = اقـول مايعقـل ان الزيـن ينسانـي
اكيد اله ظـرف فـال الله ولافالـك = ياكثر ماجابي الهـا جـس وودانـي
وأنته مشالله عليـك ولاعلـى بالـك = من معرض النهدي ا لسوق الرميزاني
مرسلتلي لو رساله تشـرح احوالـك = وانته معك رقـم جوالـي وعنوانـي
وانا الي ارخصت كل الغالي افدالـك = من دون لا يدري القاصي ولا الداني
واليوم بعد اتضح في عيني اهمالـك = جايٍ تعذر تقـول اسـف وغلطانـي
خلاص فات الاوان بسبـت افعالـك = فاتـك قطـار المحبـه لاترجـانـي
وأن كنت والله واعلم شايـفٍ حالـك = اسمع وش اخر خبر يطلع من لساني
مالك ومالي مثـل مامالـي ومالـك = خلاص روح يكفـي منـك ماجانـي
عشـان منشـدك لا قفلـت جوالـك = وانته ما تحرج من اقرابك على شاني
يعني توكل على الله روح في حالـك = هذا هو اخر خبر يطلع من السانـي

المشاركة الأصلية كتبت بواسطة وافي العتيبي (المشاركة 380899) الله عليك يا القرم انا اشهد انك قرم في مواضيعك وما يحتاااااااااااااااااااج في الجلاوي شاااااااااااااااعر وذيب وانا مع الغضبااني يستااهل حبه خشم ومشكووووووووووووور ويعطيك العااافيه تحيااااااااااااااااتي وافي

المشاركة الأصلية كتبت بواسطة fahad8088 (المشاركة 381243) مشكور على الموضوع عن سهم عتيبه