ليا من العرب شبت عليك النار فالأخدود = تقول أسمعك واسمعني لا والله مانطاوعها
أنا مااذخرك فالنعمه أجل كيف الليال السود !! = وانا اوراقي معك هالحين ,, من ذا اللحين أقطعها

ترانا يالعتيبي مانبا عند العرب منقود = والا ليتك تقصر هرجتك والنفس تردعها
ترى مانيب عاجز لاالطمك كان العيون شهود = لكن اهل النفس الدانيه عيبٍ نبايعها

أنا أصلا ليامني عرفت ان العباد أرقود = (صباح الخير )أقول الها ولا بالهرج نوجعها
هذا وينه كلامك يوم قلنا (سيفنا مجرود) = ليا فاتت ترى ماتت ولا تقدر ترجعها

ترى بعض اللحا ياصاحبي مامن وراها فود = على كيف تحللها على كيفك تجمعها
ولو انك تحاول يارفيقي ريعنا مسدود = توكل والدروب العايبه ياصاحبي دعها